అటు రాజకీయాలు ఇటు సినిమాలు పవన్ కళ్యాణ్ బిజీ షెడ్యూల్ లో ఉన్నారు .. ప్రస్తుతం హరి హర వీరమల్లు మూవీ షూటింగ్ లో పవన్ పాల్గొంటున్నారు. భవదీయుడు భగత్ సింగ్ సెట్స్ పైకి వెళ్లనున్నట్లు ఇటీవల ప్రకటించారు. ఈ క్రమంలో ఆయన సినిమాల ఎంపిక తడబడుతుంది. తక్కువ సమయంలో ఎక్కువ సినిమాలు చేయాలని ఆయన భావిస్తున్నారు. దానికి రీమేక్స్ సరైన మార్గంగా ఎంచుకుంటున్నారు.
ఈ క్రమంలో విజయ్ హీరోగా దర్శకుడు అట్లీ తెరకెక్కించిన యాక్షన్ అండ్ ఎమోషనల్ ఎంటర్టైనర్ తేరి తమిళ్ లో మంచి విజయం సాధించింది. ఇక ఈ సినిమాలో హీరో ఆఫీసర్ గా ఎలివేషన్స్ ఓ రేంజ్ లో ఉంటాయి. ఈ కథ పవన్ కి బాగా సెట్ అవుతుందని ఫ్యాన్స్ భావిస్తున్నారు. తేరి రీమేక్ చేస్తే గబ్బర్ సింగ్ రేంజ్ హిట్ పడుతుందంటున్నారు. కాగా ఈ చిత్ర రీమేక్ కి సర్వం సిద్దమవుతుందట. దర్శకుడు సుజీత్ స్క్రిప్ట్ సిద్ధం చేశాడట. డివివి దానయ్య నిర్మాతగా ఈ క్రేజీ రీమేక్ పట్టాలెక్కనుందనేది టాలీవుడ్ టాక్.
