పవర్ స్టార్ పవన్ కళ్యాణ్, సాయి ధరమ్ తేజ్ కలిసి నటించిన ‘బ్రో’ చిత్రం సూపర్ సూపర్ హిట్ టాక్ సొంతం చేసుకుంది. సముద్రఖని తెరకెక్కించిన ఈ సినిమా ఈ శుక్రవారం విడుదలై విజయవంతంగా రన్ అవుతోంది.
పవన్ వింటేజ్ లుక్ చూసి మెగా ఫ్యాన్స్ ఫుల్ ఖుషీ అవుతున్నారు. మామా అల్లుళ్లు కలిసి నటించిన ఈ సినిమా మొదటిరోజే సాలిడ్ కలెక్షన్స్ వసూలు చేసింది. ఇక ఇటు వీకెండ్స్లో ఈ సినిమాకు మరిన్ని కలెక్షన్స్ రావడం ఖాయమని తెలుస్తోంది.
బ్రో మూవీలో కేతిక శర్మ, ప్రియా ప్రకాష్ వారియర్ హీరోయిన్లు. ఇందులో పవన్ మరోసారి దేవుడి పాత్రలో అలరించారు. ఓవైపు బాక్సాఫీస్ వద్ద సక్సెస్ఫుల్గా దూసుకుపోతుండగా ఇప్పుడు ఈ సినిమాకు సంబంధించిన ర్యాప్ సాంగ్ సోషల్ మీడియాలో వైరలవుతుంది.
యూట్యూబ్ ద్వారా అడియన్స్ ముందుకు వచ్చిన ఈ పాటకు థమన్ సంగీతం అందించాడు. ఆదిత్య అయ్యంగార్ రచించి పాడారు. యూత్ ఆడియన్స్కు కనెక్ట్ అయ్యి, బాగా ఎంజాయ్ చేసేలా ఉంది.
వాస్తవానికి ఒరిజినల్ వెర్షన్కు సముద్రఖని దర్శకత్వం వహించారు. సోషియో ఫాంటసీ డ్రామాగా వచ్చిన ఈ సినిమాను పీపుల్స్ మీడియా ఫ్యాక్టరీ బ్యానర్ పై టీజీ విశ్వప్రసాద్ ఈ సినిమాను నిర్మించారు. మ్యూజిక్ డైరెక్టర్ తమన్ సంగీతం అందించారు.
