సిద్దు జొన్నలగడ్డ హీరోగా నటిస్తున్న చిత్రం ‘డీజే టిల్లు’. ‘అట్లుంటది మనతోని’ అనేది ట్యాగ్ టైన్. సితార ఎంటర్టైన్హెంట్స్ బ్యానర్ పై సూర్య దేవర నాగవంశీ ఈ చిత్రాన్ని నిర్మించారు. నేహా శెట్టి హీరోయిన్‌గా నటిస్తుంది. విమల్ కృష్ణ దర్శకుడిగా పరిచయం అవుతున్నారు.
సంక్రాంతికి విడుదల కావాల్సిన ఈ మూవీ అనివార్య కారణాల వల్ల వాయిదా పడింది. తాజాగా శనివారం ‘పటాసు పిల్లా పటాసు పిల్లా’ సాయంత్రం మరో లిరికల్ వీడియో ను విడుదల చేశారు. ఈ పాటని యువ సంగీత సంచలనం అనిరుధ్ ఆలపించారు. శ్రీచరణ్ పాకాల సంగీతం అందించిన ఈ పాటకు కిట్టు విస్సాప్రగడ సాహిత్యాన్ని అందించారు. ఈ పాటలోని సన్నివేశాల్లో పాటకు తగ్గట్టే నేహా శెట్టి హీరో సిద్దు జొన్నగడ్డని కవ్విస్తూ పటాస్ పిల్లలాగే కనిపిస్తోంది.
పదాలతో యూత్ ఆకట్టుకునే సన్నివేశాలతో సాగే ఈ ఫుల్ సాంగ్ ని జనవరి 24న విడుదల చేయబోతున్నారు. పాటలతో హల్ చల్ చేస్తున్న `డీజే టిల్లు` రేపు థియేటర్లలో ఏ స్థాయిలో రచ్చ చేస్తుందో చూడాలి అంటున్నారు సినీ జనం. కొత్త తరం ప్రేమకథగా రూపొందుతున్న ఈ చిత్రంలో ప్రిన్స్ బ్రహ్మాజీ ప్రగతి నర్రా శ్రీనివాస్ కీలక పాత్రల్లో నటిస్తున్నారు.
