తెలుగు వెబ్ సిరీస్‌లలో ఘన విజయం సాధించిన వాటిలో ‘పరంపర’ ఒకటి. డిస్నీ ప్లస్‌ హాట్‌స్టార్‌లో విడుదలైన ఈ సిరీస్ ప్రేక్షకాదరణ పొందింది. ఈ వెబ్ సిరీస్‌కు సీక్వెల్‌గా ‘పరంపర సీజన్ 2’ వస్తున్న విషయం తెలిసిందే. తాజాగా ఈ వెబ్‌సరీస్‌ సీజన్-2 ట్రైలర్ రిలీజ్‌ అయింది. ఈ ట్రైలర్‌ను మెగా పవర్ స్టార్‌ రామ్‌ చరణ్‌ రిలీజ్‌ చేసి, టీమ్‌ అందరికీ బెస్ట్‌ విషెస్‌ తెలిపారు. శోభు యార్లగడ్డ, ప్రసాద్ దేవినేని నిర్మించిన ఈ సిరీస్‌కు ఎల్‌. కృష్ణ విజయ్‌, అరిగెల విశ్వనాథ్‌ల దర్శకత్వం వహించారు. ఈ వెబ్ సిరీస్‌లో జగపతి బాబు, శరత్‌కుమార్, నవీన్ చంద్ర కీలక పాత్రల్లో నటించారు.
నవీన్ చంద్ర, జగపతి బాబు, శరత్ కుమార్ పాత్రల మధ్య హోరాహోరి ఘర్షణ ఆకట్టుకోనున్నట్లు తెలుస్తోంది. మూడు జెనరేషన్స్‌కి సంబంధించిన కథతో ఈ వెబ్ సిరీస్ రూపొందగా, స్ట్రాంగ్ ఎమోషన్స్‌తో సెకండ్ సీజన్ ఆకట్టుకుంటుందని నిర్మాణ సంస్థ ఆశాభావం తెలిపింది. పొలిటికల్, రివేంజ్‌, యాక్షన్‌ డ్రామాగా తెరకెక్కిన ‘పరంపర 2’ జులై 21 నుంచి డిస్నీ ప్లస్‌ హాట్‌స్టార్‌లో స్ట్రీమింగ్‌ కానుంది.
