టాలీవుడ్ లో ‘ఉప్పెన’ సినిమాతో ఎంట్రీ ఇచ్చాడు మెగా హీరో వైష్ణవ్ తేజ్. మొదటి సినిమాతోనే బ్లాక్ బస్టర్ హిట్ ను తన ఖాతాలో వేసుకున్న ఈ యంగ్ హీరో ఇప్పుడు తెలుగు చిత్రపరిశ్రమలో మోస్ట్ వాంటెడ్ హీరో. వరుస సినిమాలతో బిజీగా ఉన్న హీరోల్లో వైష్ణవ్ తేజ్ ఒకరు. ఈ యంగ్ హీరో ప్రస్తుతం తమిళ దర్శకుడు గిరీశయ్య డైరెక్షన్‌లో ఓ సినిమాలో నటిస్తున్నారు. ఈ సినిమాని శ్రీ వెంకటేశ్వర సినీ చిత్ర ఎల్ఎల్ పీ బ్యానర్ పై బీవీఎస్ ఎన్ ప్రసాద్ నిర్మిస్తున్నారు. రంగ రంగ వైభవంగా, ఆబాల గోపాలం అనే టైటిల్స్ పరిశీలిస్తున్నారని వినికిడి. ఇదిలా ఉండగా వైష్ణవ్ తేజ్ నాలుగవ సినిమాపై తాజాగా అఫిషియల్ అనౌన్స్మెంట్ వచ్చింది.
ఈరోజు వైష్ణవ్ తేజ్ పుట్టినరోజు సందర్భంగా సితార ఎంటర్టైన్మెంట్స్ బ్యానర్ నిర్మాతలు ఓ స్పెషల్ వీడియోను విడుదల చేశారు. అందులో తన 16వ సినిమాను వైష్ణవ్ హీరోగా, ఫార్చ్యూన్ బ్యానర్ తో కలిసి నిర్మించబోతున్నట్టుగా ప్రకటించారు. ఇక ఈ సినిమాకు సంబంధించిన డీటెయిల్స్ ను త్వరలోనే వెల్లడించనున్నారు ప్రకటించారు.
