డైరెక్టర్‌ మారుతి దర్శకత్వంలో వహిస్తున్న తాజా చిత్రం ‘పక్కా కమర్షియల్’. ఈ సినిమాకి విడుదల డేట్‌ని ఫిక్స్‌ చేశారు. జులై 1వ తేదీన ఈ సినిమాను విడుదల చేయనున్నట్లు ప్రకటించారు. యూవీ క్రియేషన్స్ – గీతా ఆర్ట్స్ 2 బ్యానర్లపై నిర్మించిన ఈ సినిమాకి, జేక్స్ బిజోయ్ సంగీతాన్ని అందించాడు. గోపీచంద్ హీరోగా నటించిన ఈ సినిమాలో రాశి ఖన్నా హీరోయిన్‌గా నటిస్తుంది.
రాశి ఖన్నా తన కెరియర్ తొలినాళ్లలోనే గోపీచంద్ తో కలిసి ‘జిల్’ వంటి హిట్ మూవీ చేసింది. ఆ తరువాత ఆ మధ్య మారుతి దర్శకత్వంలో ‘ప్రతి రోజూ పండగే’ చేసింది. ఇక ఇప్పుడు ఈ ఇద్దరితోను కలిసి ప్రేక్షకుల ముందుకు రానుంది. కొంతకాలంగా సరైన హిట్ కోసం వెయిట్ చేస్తున్న గోపీచంద్ కి ఈ సినిమా ఊరటనిస్తుందేమో చూడాలి.
