Bhagyasree Borse Movies:
మోడల్ గా కెరియర్ మొదలుపెట్టిన భాగ్యశ్రీ బోర్సే.. రవితేజ హీరోగా నటిస్తున్న మిస్టర్ బచ్చన్ సినిమాతో.. హీరోయిన్ గా మారబోతోంది. హరీష్ శంకర్ ఈ సినిమాకి దర్శకత్వం వహిస్తున్నారు. భారీ అంచనాల మధ్య ఈ సినిమా ఆగస్టు 15న థియేటర్లలో విడుదల కాబోతోంది. సినిమా ఇంకా విడుదల కాలేదు కానీ ఈమె పేరు మాత్రం.. టాలీవుడ్ లో ఇప్పుడు బీభత్సం గా వినిపిస్తోంది.
సినిమా ప్రకటించిన వెంటనే ఈమెకి బోలెడు ఆఫర్లు వచ్చి పడ్డాయి.. అంటూ వార్తలు వినిపించాయి. అందులో నిజా నిజాలు మాత్రం ఇంకా తెలియాల్సి ఉన్నాయి. మరోవైపు భాగ్యశ్రీ బోర్సే.. సోషల్ మీడియాలో కూడా హాట్ హాట్ ఫోటోలు షేర్ చేస్తూ అందరి దృష్టిని ఆకర్షిస్తుంది.
ఇక ఈ మధ్యనే మిస్టర్ బచ్చన్ సినిమా నుంచి విడుదలైన సితార్ పాట మంచి ఆదరణ అందుకుంది. అయితే అందులో ఆమె అందం, అభినయం, డాన్స్ అద్భుతంగా ఉంది అని.. రవితేజ పక్కన డాన్స్ చేయాలి అంటే భాగ్యశ్రీ తర్వాత ఎవరైనా.. అంటూ కామెంట్లు కూడా వినిపించాయి.
అవి అందరూ అనుకుంటున్న మాటలా లేక కావాలని పీ ఆర్ టీం ఆమెను హైప్ ఇస్తుందా అనేది మాత్రం అర్థం కాకుండా ఉంది. శ్రీ లీల, కృతి శెట్టి వంటి హీరోయిన్లు కూడా మొదటి సినిమా బ్లాక్ బస్టర్ అయిన తర్వాతే మంచి క్రేజ్ అందుకున్నారు. కానీ ఈమె విషయంలో మాత్రం.. విడుదల కి ముందే ఇంత హైప్ ఇవ్వడం ఎందుకు అని కొంతమంది అంటున్నారు.
పిఆర్ టీమ్ నుంచి హైప్ బాగానే ఉన్నప్పటికీ అది ఆమెకి ప్లస్ అవ్వడం కంటే మైనస్ అయ్యే అవకాశాలు ఎక్కువ. కొత్త సినిమా ఆఫర్లు రావడం పక్కన పెడితే.. సినిమల మీద అంచనాలు పెరిగిపోతూ ఉంటాయి. సినిమా కొంచెం అటు ఇటుగా ఆడిన ఆమెకి చెడ్డ పేరు వస్తుంది.
మరి ఈ రేంజ్ లో హైప్ ఇచ్చిన తర్వాత సినిమా కనీసం బ్లాక్ బస్టర్ అవ్వాలని అందరూ అనుకుంటారు. ఆమె మీద బీభత్సంగా పెరిగిపోతున్న హైప్ మిస్టర్ బచ్చన్ సినిమా మీద కూడా ప్రభావం చూపించే అవకాశం ఉంది. మరి టాలీవుడ్ లో ఈమె కెరియర్ ఎలా సాగబోతుందో చూడాలి.
