నాని నటిస్తున్న తాజా చిత్రం ‘దసరా’. డైరెక్టర్ శ్రీకాంత్ ఒదెల దర్శకత్వం వహించిన ఈ పాన్ ఇండియన్ మూవీలో కీర్తి సురేష్ హీరోయిన్‌ గా నటిస్తుంది. ఈ సినిమా నుండి తాజాగా లవ్‌ ఫెల్యూర్‌ సాంగ్ ‘ఓరి వారి’ విడుదలైంది. ఈ రోజు హైదరాబాద్‌లోని AMB సినిమాస్‌లో చిత్ర యూనిట్ ఈ సాంగ్ ను విడుదల చేయడం జరిగింది. సంగీత దర్శకుడు సంతోష్ నారాయణన్ స్వరపరిచి పాడిన ఒరి వారి అనే పాట చాలా డిఫెరెంట్ గా ఉంది.
సంతోష్ నారాయణన్ గానం ఆకట్టుకుంటుంది. శ్రీమణి సాహిత్యం చాలా డెప్త్ గా ఉంది. ఈ రోజు వరకు విడుదలైన అప్డేట్స్‌ ఈసినిమాపై అంచనాలను పెంచేశాయి. మార్చి 30, 2023న ప్రపంచవ్యాప్తంగా థియేటర్లలో విడుదల కాబోతున్న ఈ సినిమా లో సాయి కుమార్, షైన్ టామ్ చాకో, సముద్రఖని మరియు జరీనా వహాబ్ లు కీలక పాత్రల్లో నటించారు.
