మెగా ప్రిన్స్ వరుణ్ తేజ్ హీరోగా నటిస్తున్న తాజా చిత్రం ‘ఆపరేషన్ వాలెంటైన్’. మానుషీ చిల్లార్ హీరోయిన్ గా నటిస్తున్న ఈ సినిమాకి శక్తి ప్రతాప్ సింగ్ హడా దర్శకత్వం వహిస్తున్నాడు. ఇప్పటి వరకూ విడుదలైన అప్డేట్స్‌ అన్నీ సినిమాపై ఆసక్తిని కలిగించేలా ఉన్నాయి.
కాగా గత కొన్ని రోజులుగా ఈ సినిమా విడుదల వాయిదా పడనున్నట్లు టాక్‌ వచ్చిన సంగతి తెలిసిందే. ఫిబ్రవరి 16న రిలీజ్ కావాల్సిన ఈ మూవీ కొన్ని కారణాల వలన వాయిదా పడింది. తాజాగా ఈ వార్తను కన్ఫర్మ్‌ చేస్తూ.. న్యూ రిలీజ్ డేట్ ని ప్రకటించారు మేకర్స్.
ఈమూవీ మార్చి1 న తెలుగు, హిందీ భాషల ఆడియన్స్ ముందుకి రానున్నట్లు మేకర్స్ పోస్టర్ ద్వారా అనౌన్స్ చేసారు. సోనీ పిక్చర్స్ ఇంటర్నేషనల్, రెనైసెన్సే పిక్చర్స్, గాడ్ బ్లెస్ ఎంటర్టైన్మెంట్స్ సంస్థలు ప్రతిష్టాత్మకంగా నిర్మిస్తున్న ఈ సినిమాకి మిక్కీ జె మేయర్ సంగీతం అందిస్తున్నారు.
