ఐకాన్‌స్టార్‌ అల్లు అర్జున్‌ హీరోగా నటించిన ‘పుష్ప. ఈసినిమాలో స్టార్‌ హీరోయిన్‌ సమంత ఐటమ్‌ సాంగ్‌ చేసిన సంగతి తెలిసిందే. ‘ఊ అంటావా మావ ఊఊ అంటావా’ అంటూ సాగే ఈ పాట ప్రస్తుతం యూట్యూబ్‌లో సుమారు 34 మిలియన్ల వ్యూస్‌తో టాప్‌ ట్రెండింగ్‌లో అంది. ఇప్పుడు ఇదే పాటకు మేల్‌ వెర్షన్‌ బయటకు వచ్చింది. ఒరిజినల్‌ వెర్షన్‌లో ఉన్న లిరిక్స్‌నే తీసుకొని.. ‘మీ కళ్లల్లోనే వంకర ఉంది. ఆడాళ్ల బుద్ధే వంకర బుద్ధి. ఊ అంటావా పాప ఊఊ అంటావా’ అంటూ మార్చి పాడి.. ‘వాలి’ అనే ఓ నెటిజన్‌ ట్విటర్‌ వేదికగా షేర్‌ చేశారు. ఆ పాటకు తగినట్టు ‘తమ్ముడు’, ‘అత్తారింటికి దారేది’, ‘బిల్లా’, ‘సన్నాఫ్‌ సత్యమూర్తి’, ‘వేదం’, ‘ఖైదీ నం: 150’ చిత్రాల్లోని పలు ఫేమస్‌ స్టెప్పులతో ఈ క్లిప్‌ను తయారు చేశారు. ప్రస్తుతం ఈ వీడియో నెటిజన్లను ఎంతగానో ఆకర్షిస్తోంది. ‘మేల్‌ వెర్షన్‌ అదిరింది’ అంటూ కామెంట్లు చేస్తున్నారు.
సుకుమార్‌ డైరెక్షణ్‌లో ఎర్ర చందనం స్మగ్లింగ్ నేపథ్యంలో రూపొందిన ఈ చిత‍్రం రేపు (డిసెంబర్ 17) ప్రేక్షకుల ముందుకు రానుంది. ఇందులో పుష్ప రాజ్‌గా స్టైలిష్‌ స్టార్‌ అల్లు అర్జున్‌ ఊర మాస్‌ లుక్‌లో అలరించబోతున్నారు. రష్మిక హీరోయిన్‌గా నటిస్తుంది.
Fun male version of #OoAntavaOoOoAntava 😀 #Pushpa pic.twitter.com/hIeOFjfS2s
— Vaali (@vaaalisugreeva) December 15, 2021
