OG Update:
ఆంధ్రప్రదేశ్ డిప్యూటీ ముఖ్యమంత్రిగా రాజకీయ పనులతో పవన్ కళ్యాణ్ బిజీగా ఉన్నారు. మరోవైపు అభిమానులు పవర్ స్టార్ పవన్ కళ్యాణ్ హీరోగా నటిస్తున్న ఓజీ సినిమా కోసం ఆసక్తిగా ఎదురుచూస్తున్నారు. అసలైతే ఈ ఏడాది విడుదల కావాల్సిన ఈ సినిమాని వచ్చే ఏడాదికి వాయిదా వేసిన సంగతి తెలిసిందే.
గత ఎడాది పవన్ కళ్యాణ్ పుట్టినరోజు సందర్భంగా చిత్ర బృందం హంగ్రీ చీతా అంటూ విడుదల చేసిన టీజర్ ఇప్పటికీ.. ట్రెండ్ అవుతూనే ఉంటుంది. మళ్లీ సెప్టెంబర్ కూడా రాబోతోంది. మరి ఈ ఏడాది పవన్ కళ్యాణ్ పుట్టినరోజు సందర్భంగా.. సినిమాకి సంబంధించి ఎలాంటి అప్డేట్ వస్తుంది అని ఫాన్స్ ఆసక్తిగా ఎదురుచూస్తున్నారు.
తాజా సమాచారం ప్రకారం ఈ ఏడాది కూడా చిత్ర డైరెక్టర్ సుజిత్.. ఒక క్రేజీ అప్డేట్ తో ఫాన్స్ కి సర్ప్రైజ్ ఇవ్వబోతున్నట్లు తెలుస్తోంది. సెప్టెంబర్ 2న పవన్ కళ్యాణ్ తన పుట్టినరోజు జరుపుకోబోతున్నారు. ఆరోజున సినిమాకి సంబంధించిన కొత్త వీడియో ప్రివ్యూ విడుదల చేయాలని చిత్ర బృందం ప్లాన్ చేస్తోందట. దీనికి సంబంధించిన పనులు కూడా మొదలైపోయాయని తెలుస్తోంది.
నిజానికి డైరెక్టర్ సుజిత్ పవన్ కళ్యాణ్ కి వీరాభిమాని. కాబట్టి అభిమానులు పవన్ కళ్యాణ్ ని ఎలా చూడాలి అనుకుంటున్నారు అనే విషయం తనకి బాగా తెలుసు. అందువల్ల కచ్చితంగా పవన్ కళ్యాణ్ కి ఈ సినిమా మంచి బ్లాక్ బస్టర్ అవుతుంది అని ఫ్యాన్స్ ముందే చెబుతున్నారు.
సుజిత్ కూడా పవన్ కళ్యాణ్ కి సెన్సేషనల్ హిట్ ఇవ్వాలని ఫిక్స్ అయ్యారు. పవన్ కళ్యాణ్ కి వీలు దొరకగానే ఈ సినిమాకి సంబంధించిన షూటింగ్ తిరిగి మొదలవుతుంది. ఈ సినిమాలో పవన్ కళ్యాణ్ ఒక గ్యాంగ్ స్టార్ పాత్రలో కనిపించనున్నారు.
