‘మ్యాడ్’ సినిమాతో నార్నె నితిన్ హీరోగా పరిచయమవుతున్నాడు. ఆయనతో పాటు ఈసినిమాలో సంగీత్ శోభన్ హీరోగా నటించాడు. యూత్ ఫుల్ ఎంటర్టైనర్ గా రూపొందిన ఈ సినిమాతో, కల్యాణ్ శంకర్ దర్శకుడిగా పరిచయమవుతున్నాడు. అక్టోబర్ 6వ తేదీన ఈ సినిమాను భారీస్థాయిలో విడుదల చేస్తున్నారు.
తాజాగా ఈ సినిమా నుంచి ఒక లిరికల్ సాంగ్ ను రిలీజ్ చేశారు. ‘ నువ్వు నవ్వుకుంటూ వెళ్లిపోమాకే .. నా గుండెనేమో గిల్లిపోమాకే’ అంటూ ఈ పాట సాగుతోంది. హీరో హీరోయిన్స్ పై ఈ పాటను చిత్రీకరించారు. భీమ్స్ సంగీతాన్ని సమకూర్చిన ఈ పాటకి భాస్కరభట్ల సాహిత్యం అందించారు.
ఈ పాటలో నువ్వు కాస్త కరిగితే ప్రపంచమేమీ మునిగిపోదులే .. నువ్వు పంతం వదిలితే యుగాంతం రాదులే’ అంటూ భాస్కరభట్ల చేసిన ప్రయోగాలు బాగున్నాయి. సినిమాలో సందర్భాన్ని బట్టి ఈ పాట మరింతగా కనెక్ట్ అయ్యే అవకాశాలు ఉన్నాయి. ఫస్టు మూవీతో నార్నె నితిన్ ఎన్ని మార్కులు సంపాదించుకుంటాడనేది చూడాలి.
