టాలీవుడ్‌ మాస్ మహారాజా రవితేజ నటిస్తున్న తాజా సినిమాల్లో ‘టైగర్ నాగేశ్వర రావు’ ఒకటి. వంశీ డైరెక్షన్‌లో వస్తున్న ఈ సినిమా 1970 కాలంలో స్టూవర్ట్‌పురంలో పాపులర్‌ దొంగ టైగర్ నాగేశ్వర్‌ రావు జీవిత కథ నేపథ్యంలో పాన్ ఇండియా మూవీగా తెరకెక్కుతోంది. ఈ చిత్రంతో బాలీవుడ్ భామ కృతిసనన్ సోదరి నుపుర్ సనన్‌ టాలీవుడ్‌ ఎంట్రీ ఇస్తుంది. తాజాగా టైగర్ నాగేశ్వరరావు ప్రియురాలు ఫస్ట్‌ లుక్‌ను విడుదల చేశారు.
నుపుర్ సనన్‌ ఇందులో సారా పాత్రలో నటిస్తోంది . ట్రైన్‌లో నుంచి తన ప్రియుడి కోసం చూస్తున్నట్టుగా ఉన్న లుక్ నెటిజన్లను ఆకట్టుకుంటుంది. ఇప్పటికే విడుదల చేసిన ఫస్ట్‌ లుక్ పోస్టర్‌తోపాటు గ్లింప్స్‌లో గూస్‌ బంప్స్ తెప్పించే రవితేజ విజువల్స్‌ నెట్టింట వైరల్ అవుతూ.. సినిమాపై క్యూరియాసిటీ పెంచుతున్నాయి. ఈ చిత్రంలో గాయత్రి భరద్వాజ్‌ సెకండ్ ఫీ మేల్ లీడ్‌ రోల్‌లో నటిస్తోంది. సీనియర్‌ నటి రేణూదేశాయ్‌ హేమలత లవణం పాత్రలో నటిస్తోంది.
అభిషేక్ అగర్వాల్ ఆర్ట్స్ బ్యానర్‌పై అభిషేక్ అగర్వాల్ నిర్మిస్తున్న ఈ మూవీలో బాలీవుడ్ నటుడు అనుపమ్‌ ఖేర్‌, మురళీ శర్మ కీలక పాత్రలు పోషిస్తున్నారు. తెలుగు, హిందీతోపాటు పలు భాషల్లో విడుదల చేసిన పోస్టర్లు సినిమాపై అంచనాలు పెంచుతున్నాయి. ఈ చిత్రానికి జీవీ ప్రకాశ్ కుమార్ సంగీతం అందిస్తున్నాడు. అక్టోబర్ 20న విడుదల కానుంది.
