NTR31 Heroine:
శాండల్ వుడ్‌లో ఈమధ్య బాగా వినిపిస్తున్న హీరోయిన్లలో ఒకరిగా నిలిచిన రుక్మిణి వసంత్ సప్త సాగరదాచే ఎల్లో – సైడ్ A, దాని సీక్వెల్‌ చిత్రాల్లో అద్భుతమైన నటనతో విమర్శకుల ప్రశంసలు అందుకున్నారు. ప్రస్తుతం రుక్మిణి తన తొలి తమిళ సినిమాతో బిజీగా ఉన్నారు. ఈ చిత్రంలో ఆమె ప్రముఖ హీరో శివకార్తికేయన్‌తో కలిసి నటిస్తున్నారు.
తెలుగు ప్రేక్షకులు రుక్మిణి టాలీవుడ్‌లోకి అడుగు పెట్టాలని ఆశగా ఎదురు చూస్తున్నారు. రామ్ పొతినేని, విజయ్ దేవరకొండ వంటి స్టార్ హీరోలతో రుక్మిణి నటించే అవకాశం ఉన్నట్లు ప్రచారం జరుగుతోంది. రీసెంట్‌గా వచ్చిన వార్తల ప్రకారం, రుక్మిణి జూనియర్ ఎన్టీఆర్ హీరోగా నటిస్తున్న NTR31 లో కీలక పాత్ర దక్కించుకునే అవకాశం ఉందని టాలీవుడ్ వర్గాల్లో చర్చ సాగుతోంది.
దేవర: పార్ట్ 1 విజయం తర్వాత ఈ సినిమాపై భారీ అంచనాలు ఉన్నాయి. అయితే ఈ సమాచారం గురించిన అధికారిక ప్రకటన ఇంకా వెలువడలేదు. ఎన్టీఆర్ 31 సినిమాకి ప్రశాంత్ నీల్ దర్శకత్వం వహించనున్నారు. ఈ యాక్షన్ డ్రామా షూటింగ్ అక్టోబర్‌లో ప్రారంభం కానుంది. మైత్రీ మూవీ మేకర్స్, ఎన్టీఆర్ ఆర్ట్స్ కలిసి ఈ చిత్రాన్ని నిర్మించనున్నాయి. రవి బస్రూర్ ఈ చిత్రానికి సంగీతాన్ని అందించనున్నారు. ఈ చిత్రం 2026 జనవరి 9న విడుదల కానుంది.
ఈ సినిమా పై ఇప్పటికే భారీ అంచనాలు ఉన్నాయి. ముఖ్యంగా కేజీఎఫ్ ఫేమ్ ప్రశాంత్ నీల్ దర్శకత్వం వహిస్తున్న ఈ సినిమా తెలుగు ప్రేక్షకులలో మరింత ఆసక్తిని కలిగిస్తోంది. ఎన్టీఆర్ పాన్ ఇండియా హీరోగా మారిన సమయంలో, ఈ సినిమా ఆయన కెరీర్‌లో మరో మైలురాయిగా నిలవనుందని చెప్పవచ్చు.
Read More: Devara సినిమా టికెట్ స్కామ్ లో ఎన్టీఆర్ హస్తం కూడా ఉందా?
