నందమూరి కల్యాణ్ రామ్ హీరోగా నటించిన తాజా చిత్రం ‘బింబిసార’. తన సొంత బ్యానర్లో కల్యాణ్ రామ్ ఈ సినిమాను నిర్మించాడు. మల్లిడి వశిష్ఠ ఈ సినిమాకి దర్శకత్వం వహించాడు. ఆగస్టు 5వ తేదీన ఈ సినిమాను భారీస్థాయిలో రిలీజ్ కానుంది. ఈ నేపథ్యంలో ఈ సినిమా ప్రీ రిలీజ్ ఈవెంట్ ను ఈ నెల 29వ తేదీన నిర్వహించనున్నారు.
ఈ వేడుకకు చీఫ్ గెస్టుగా ఎన్టీఆర్ ను ఆహ్వానించినట్టు తెలుస్తుంది. కల్యాణ్ రామ్ తో ఉన్న అనుబంధం కారణంగా ఎన్టీఆర్ ఈ వేడుకకి హాజరయ్యే అవకాశాలు పుష్కలంగా ఉన్నాయి. త్వరలో అధికారిక ప్రకటన వెలువడనుందని అంటున్నారు. ఈ సినిమాలో చరిత్రలో రాజుగాను .. ప్రస్తుత కాలంలో మోడ్రన్ లుక్ తోను కల్యాణ్ రామ్ కనిపించనున్నాడు. కీరవాణి బ్యాక్ గ్రౌండ్ స్కోర్ ను అందించిన ఈ సినిమాకి, చిరంతన్ భట్ బాణీలను సమకూర్చాడు. ప్రకాశ్ రాజ్ కీలకమైన పాత్రను పోషించగా, కేథరిన్ .. సంయుక్త మీనన్ హీరోయిన్‌లుగా నటించారు.
