Chiyaan Vikram Movies:
సినిమా పరిశ్రమలో ఒక గొప్ప నటుడిగా గుర్తింపు తెచ్చుకున్న చియాన్ విక్రమ్, తన అద్భుతమైన నటనతో, పాత్రలలో ఎందరో అభిమానులను ఏర్పరుచుకున్నారు. ఆయన తను చేసే ప్రతి పాత్రకి ప్రాణం పోస్తారు. అన్నీ రకాలుగా ప్రేక్షకులను మెప్పించడానికి ప్రతీ ప్రయత్నం చేస్తున్నారు. కానీ, ఈ మధ్య కాలంలో విక్రమ్ హీరోగా విడుదలైన చిత్రాలు బాక్సాఫీస్ వద్ద సక్సెస్ కాలేకపోతున్నాయి.
ఇంకొక్కడు తో హిట్ అందుకున్న విక్రమ్ ఆ తర్వాత నటించిన సినిమాలు చూస్తే.. Sketch, SaamySquare, KadaramKondan (MrKK), Cobra వంటి చిత్రాలు బాక్స్ ఆఫీస్ వద్ద ఘోరంగా విఫలమయ్యాయి. ముఖ్యంగా కోబ్రా సినిమాకు తెలుగులో కొంత వరకు ఆదరణ లభించినప్పటికీ, అది కమర్షియల్ గా విజయవంతం కాలేదు. ఈ సినిమాలు ప్రేక్షకులను ఆకట్టుకోవడంలో విఫలమవడంతో పాటు, బాక్సాఫీస్ వద్ద కూడా పెద్దగా కలెక్షన్లు సాధించలేదు.
విక్రమ్‌కి నిజంగా సరైన విజయం అయితే పొన్నియిన్ సెల్వన్ అని చెప్పచ్చు. PonniyinSelvan1 బ్లాక్‌బస్టర్‌గా నిలవగా, PonniyinSelvan2 కూడా సేఫ్ హిట్ గానే నిలిచింది. అయితే, ఈ చిత్రాల్లో విక్రమ్ నటనను ప్రేక్షకులు ప్రశంశలు వచ్చినా కూడా.. ఈ విజయం పూర్తిగా వారి విక్రమ్ ది కాదు. సినిమాలో చాలామంది స్టార్లు ఉన్నారు.
ఇక తాజాగా విక్రమ్ నటించిన Thangalaan కూడా బాక్సాఫీస్ వద్ద విఫలమైంది. ఈ నేపథ్యంలో, విక్రమ్ ప్రతి పాత్ర కోసం కష్టపడి తనను తాను మార్చుకుంటున్నారు కానీ.. కథల సెలక్షన్ విషయంలో కూడా అదే మార్పు కనిపిస్తే బాగుంటుంది అని ఫాన్స్ ఆశిస్తున్నారు. ఇప్పటికైనా విక్రమ్ ఒక బ్లాక్ బస్టర్ అందుకుంటే చూడాలని ఫాన్స్ చాలా ఆసక్తిగా ఎదురుచూస్తున్నారు.
తనతో పాటు హీరోలు అయిన అజిత్ విజయ్ వంటి వారు వరుస విజయాలు అందుకుంటున్నారు. అటు రజినీకాంత్, కమల్ హాసన్ కూడా సూపర్ హిట్లు అందుకుంటున్నారు. కానీ విక్రమ్ మాత్రం వరుస ఫ్లాప్స్ అందుకోవడం ఫ్యాన్స్ ను నిరాశకు గురిచేస్తోంది.
