నోబెల్ బుక్ ఆఫ్‌ వ‌ర‌ల్డ్ రికార్డుల్లో మంచు లక్ష్మి కూతురు

కలెక్ష‌న్ కింగ్ డా. మోహ‌న్‌బాబు మ‌నవ‌రాలు, ప్ర‌ముఖ న‌టి మంచు ల‌క్ష్మీ ప్ర‌స‌న్న‌ కూతురు విద్యా నిర్వాణ మంచు ఆనంద్‌.. ఇప్పుడొక రికార్డ్‌ను నెలకొల్పింది. ‘యంగెస్ట్ చెస్ ట్రైన‌ర్‌’గా నోబెల్ బుక్ ఆఫ్‌ వ‌ర‌ల్డ్ రికార్డుల్లో ఆమె స్థానం సంపాదించుకుంది. డిసెంబ‌ర్ 19న నోబెల్ బుక్ ఆఫ్ రికార్డ్స్ ప్ర‌తినిధి డా. చోక‌లింగం బాలాజీ స‌మ‌క్షంలో జ‌రిగిన ప‌రీక్ష‌ల్లో ఉత్తీర్ణురాలై విద్యా ఈ రికార్డ్ సొంతం చేసుకుంది. ఈ సంద‌ర్భంగా నోబెల్ బుక్ ఆఫ్ రికార్డ్స్ ప్ర‌తినిధి డా. చోక‌లింగం బాలాజీ మాట్లాడుతూ.. ”నాలుగైదు సంవ‌త్స‌రాల పిల్లలు చెస్ ఆడ‌డం మనం చూసుంటాం. కానీ ఆరు సంవత్సరాల వ‌య‌సులో విద్యా నిర్వాణ చెస్ గేమ్‌లో ట్రైనింగ్ ఇవ్వ‌డం గొప్ప విష‌యం. మా సంస్థ త‌ర‌పున రికార్డ్ అందించినందుకు హ్యాపీగా ఉంది” అన్నారు.

విధ్యా నిర్వాణ ట్రైన‌ర్ కార్తిక్ మాట్లాడుతూ.. ” విద్యా నిర్వాణ‌కి చెస్ గేమ్ నేర్పిస్తే త‌ప్ప‌కుండా రాణించ‌గ‌ల‌ద‌ని గ‌తేడాదే మంచు లక్ష్మిగారికి చెప్ప‌డం జ‌రిగింది. త‌న వ‌య‌సు చాలా చిన్న‌ది ఇప్పుడే వ‌ద్దు అని చెప్పారు. ఈ ఏడాది ల‌క్ష్మిగారే ఫోన్ చేసి త‌న‌‌కి ట్రైనింగ్ ఇవ్వ‌మ‌ని అడిగారు. ట్రైనింగ్ ఇవ్వ‌డం మొద‌లుపెట్టాక నాలుగైదు క్లాసుల్లోనే ఎంతో చురుకుగా గేమ్‌ని పూర్తిగా నేర్చుకుంది. ఆ త‌ర్వాత త‌న ఫ్రెండ్స్‌కి చెస్‌ గేమ్ నేర్పించ‌డం మొద‌లుపెట్టింది. అప్పుడే ఈ రికార్డ్ ఎందుకు న‌మోదు చేయ‌కూడ‌దు అనిపించి వారి ప్ర‌తినిధుల‌తో మాట్లాడి ఈ రికార్డ్‌కోసం న‌మోదు చేయ‌డం జ‌రిగింది. ఈ రోజు నోబెల్ బుక్ ఆఫ్ రికార్డ్స్ ప్ర‌తినిధి డా. చోక‌లింగం బాలాజీ స‌మ‌క్షంలో నిర్వ‌హించిన ప‌రీక్ష‌ల్లో ఉత్తీర్ణురాలై ఈ రికార్డ్ సాధించ‌డం సంతోషంగా ఉంది” అన్నారు. మోహన్ బాబు మాట్లాడుతూ.. ఈ వ‌య‌సులో ఈ రికార్డు లో స్థానం సంపాదించుకున్నందుకు ఒక తాత‌గా ఎంతో గ‌ర్వంగా ఫీల‌వుతున్నాను. ఈ సంద‌ర్భంగా త‌ల్లిదండ్రులకి నేను చెప్ప‌ద‌లుచుకుంది ఏంటంటే వారి పిల్ల‌ల‌కు దేనిమీద అయితే ఆస‌క్తి ఉందో చ‌దువుతోపాటు దానికి కొంత స‌మ‌యం కేటాయిస్తే త‌ప్ప‌కుండా ప్ర‌తిఒక్క‌రు గొప్ప స్థాయికి చేరుకుంటారు. మా అంద‌రి బ్లెస్సింగ్స్‌తో గ్రేట్ నిర్వాణ కావాల‌ని కోరుకుంటున్నాను”అన్నారు.

And this happened today! I was more nervous than Nirvana but I think she’s a natural. My daughter now holds The Noble Book of World Records as the Youngest Chess Trainer. So proud of you! First of many for my brilliant girl. Keep your love coming for my little munchkin. #ProudMom pic.twitter.com/aCoeLJ7t48

— Lakshmi Manchu (@LakshmiManchu) December 19, 2020