NTR Upcoming Movies:
టాలెంటున్న కొత్త డైరెక్టర్లను ఇండస్ట్రీకి పరిచయం చేయడంలో.. నాచురల్ స్టార్ నాని ఎప్పుడు ముందే ఉంటారు. ఇప్పటికే చాలామంది క్రియేటివ్ డైరెక్టర్లని ఇండస్ట్రీలోకి తీసుకువచ్చిన నాని.. హాయ్ నాన్న సినిమాతో శౌర్యువ్ అనే డైరెక్టర్ నీ పరిచయం చేశారు. ఎమోషనల్ రొమాంటిక్ డ్రామా.. తండ్రి కూతుర్ల సెంటిమెంట్ తో తెరకెక్కిన ఈ సినిమా బాక్స్ ఆఫీస్ వద్ద మంచి విషయాన్ని సాధించింది.
అయితే తాజాగా ఈ డైరెక్టర్ నెక్స్ట్ సినిమా గురించి కొన్ని ఆసక్తికరమైన విషయాలు బయటకు వచ్చాయి. శౌర్యువ్ త్వరలోనే యంగ్ టైగర్ ఎన్టీఆర్ హీరోగా ఒక సినిమా చేయబోతున్నారు అని.. టాక్ వినిపించింది. కానీ తాజాగా చిత్రా డైరెక్టర్ దీని గురించి క్లారిటీ ఇచ్చారు.
ఏదైనా ఒక సినిమా హిట్ అయితే.. ఆ డైరెక్టర్ నెక్స్ట్ సినిమాలు ఇవే అంటూ బోలెడు పుకార్లు వినిపిస్తూనే ఉంటాయి. కానీ అధికారిక ప్రకటన బయటకు వచ్చేదాకా ఏది నమ్మలేము. తాజాగా ఇప్పుడు ఈ సినిమా విషయంలో కూడా అదే జరిగింది.
హాయ్ నాన్న సినిమా హిట్ అవ్వడంతో ఎన్టీఆర్ కూడా శౌర్యువ్ తో సినిమా చేయడానికి ఒప్పుకున్నారు అని అందరు అనుకున్నారు. కానీ అందులో నిజం లేదు అని తెలుస్తుంది. ఈ పుకార్లు బయటకు వచ్చినప్పుడు కూడా డైరెక్టర్ పెద్దగా పట్టించుకోలేదు. కానీ సినిమా ఏకంగా రెండు పార్ట్లు ఉంటుందని, మొదటి భాగం 2028 లో విడుదలవుతుందని, రెండవ భాగం 2031 లో విడుదల అవుతుంది అని.. ఇలా చాలా వార్తలు వచ్చాయి.
దీంతో చేసేదిలేక డైరెక్టర్ స్వయంగా స్పందించారు. తన నెక్స్ట్ సినిమా గురించి చాలానే క్రేజీ రూమర్లు వస్తున్నాయని, వాటితో నిజం లేదు అని అంటున్నారు. కానీ “ఆ వార్తలు నిజమైతే బాగుంటుంది” అని కామెంట్ చేశారు. దీంతో వీరిద్దరి ఈ సినిమాకి సంబంధించిన పుకార్లకు చెక్ పడింది.
