February releases with no buzz:
కిరణ్ అబ్బవరం ‘KA’ సినిమాతో మళ్లీ ఫామ్‌లోకి వచ్చాడు. అయితే, ఆయన తర్వాతి సినిమా ‘దిల్ రుబా’ మాత్రం అంచనాలను అందుకోవడంలో తడబడుతోంది. ఈ సినిమా ఫిబ్రవరి 14న విడుదలకు సిద్ధమవుతోంది. కానీ పాటలు పెద్దగా ఆకట్టుకోలేకపోయాయి. పైగా, ప్రమోషన్స్ కూడా అంతగా జరగడం లేదు. టీజర్ ఆకర్షణీయంగా ఉన్నప్పటికీ, సినిమా మీద ఆసక్తి రేకెత్తించడానికి మరిన్ని ప్రయత్నాలు చేయాల్సిన అవసరం ఉంది.
విశ్వక్ సేన్ వరుస పరాజయాల తర్వాత ‘లైలా’ సినిమాతో హిట్ కొట్టాలని చూస్తున్నాడు. ఈ సినిమా కూడా ఫిబ్రవరి 14న విడుదలకు సిద్ధంగా ఉంది. కానీ, పాటలు, టీజర్, ఇతర ప్రమోషనల్ కంటెంట్ ఎక్కువగా ఆకట్టుకోలేదు. సినిమా బిజినెస్ కూడా ఇంకా పూర్తిగా క్లోజ్ కాలేదు. దీంతో, సినిమా విడుదల తేదీ దగ్గర పడుతున్నా, ప్రేక్షకుల్లో పెద్దగా ఆసక్తి కనబడడం లేదు. విశ్వక్ సేన్ టీమ్ మరింత కష్టపడాల్సిన అవసరం ఉంది.
బెల్లంకొండ శ్రీనివాస్ హీరోగా, నారా రోహిత్, మంచు మనోజ్ కీలక పాత్రల్లో నటించిన ‘భైరవం’ సినిమా ఫిబ్రవరి 21న విడుదల కానుంది. అయితే, సినిమా బజ్ మాత్రం అస్సలు లేదు. టీజర్ విడుదలైనప్పటికీ, ప్రేక్షకుల్లో ఆసక్తి పెంచలేకపోయింది. అంతేకాదు, ఈ సినిమా ఫిబ్రవరిలోనే విడుదల అవుతుందా? లేదా? అనే అనుమానాలు కూడా వినిపిస్తున్నాయి.
ఇక సందీప్ కిషన్ నటిస్తున్న ‘మజాకా’ కూడా ఫిబ్రవరిలోనే థియేటర్లకు రానుంది. కానీ, ప్రమోషన్లు చాలా మెల్లగా సాగుతున్నాయి.
