టాలీవుడ్‌ యంగ్‌ హీరో నితిన్ హిందీలో సూపర్ హిట్ అందుకున్న ‘అంధాదున్’ మూవీని తెలుగులో రీమేక్ చేస్తున్న సంగతి తెలిసిందే. మేర్లపాక గాంధీ ఈ చిత్రానికి దర్శకత్వం వహిస్తున్నాడు. రాజ్ కుమార్ ఆకెళ్ల సమర్పణలో శ్రేష్ఠ మూవీస్ బ్యానర్ పై ఎన్.సుధాకర్ రెడ్డి, నికిత రెడ్డిలు ఈ చిత్రాన్ని నిర్మిస్తున్నారు. ఇది నితిన్ 30వ సినిమా. ఈ చిత్రంతో నభా నటేష్ హీరోయిన్, మిల్కీ బ్యూటీ తమన్నా కీలక పాత్ర లో నటిస్తుంది. నితిన్ ఈ చిత్రంలో పియానో ప్లేయర్ గా కనిపించనున్నారు. ఇటీవలే ఈ సినిమా చిత్రీకరణ దుబాయ్ లో ప్రారంభమైంది. తాజాగా ‘నితిన్30’ చిత్రాన్ని జూన్ 11న వరల్డ్ వైడ్ విడుదల చేయనున్నట్లు మేకర్స్ వెల్లడించారు. ఈ సందర్భంగా రిలీజ్ అనౌన్సమెంట్ పోస్టర్ ని వదిలారు. ఇందులో నితిన్ పియానో ప్లే చేస్తూ కనిపిస్తున్నాడు. ఈ చిత్రానికి మహతి స్వరసాగర్ సంగీతం సమకూరుస్తున్నాడు.
