Nithiin Next Movie:
యంగ్ హీరో నితిన్ ప్రస్తుతం సినిమాలో కారణంగా కంటే.. వ్యక్తిగత జీవితం కారణంగా ఎక్కువగా వార్తలో నిలుస్తున్నారు. ఈ మధ్యనే నితిన్, తన భార్య శాలిని తల్లిదండ్రులు అయ్యారు. శాలిని ఒక పండంటి మగ బిడ్డకు జన్మనిచ్చారు. ఈ విషయాన్ని నితిన్ స్వయంగా సోషల్ మీడియా ద్వారా అభిమానులతో పంచుకున్నారు. ఈ నేపథ్యంలో ఫాన్స్ కూడా చాలా సంతోషంగా నితిన్ కి శుభాకాంక్షలు తెలిపారు.
ఇక సినిమాలపరంగా చూస్తే నితిన్ చేతిలో ప్రస్తుతం రెండు సినిమాలు ఉన్నాయి. అందులో ఒకటి రాబిన్ హుడ్. మరొక దానికి నితిన్ స్వయానా తన అభిమాన హీరో పవన్ కళ్యాణ్ సూపర్ హిట్ సినిమాలలో ఒకటైన తమ్ముడు టైటిల్ ను పెట్టుకున్నారు. ఈ రెండు సినిమాల షూటింగ్స్ ఆఖరి దశలోనే ఉన్నాయి. అతి త్వరలోనే ఈ రెండు సినిమాలు విడుదల కి సిద్ధం అవుతాయి.
తమ్ముడు సినిమాకి శ్రీరామ్ వేణు దర్శకత్వం వహిస్తూ ఉండగా.. రాబిన్ హుడ్ సినిమాకి వెంకీ కుడుముల దర్శకత్వం వహిస్తున్నారు. అయితే తాజాగా నితిన్ మనం ఫేమ్ డైరెక్టర్.. విక్రమ్ కే కుమార్ దర్శకత్వంలో కూడా ఒక సినిమాకి గ్రీన్ సిగ్నల్ ఇచ్చారు. 80 కోట్ల బడ్జెట్ తో ఈ సినిమాను నిర్మించడానికి ముందుకు వచ్చారు హనుమాన్ ఫేమ్ నిర్మాత నిరంజన్ రెడ్డి.
Read More: Rana Daggubati కోసం నాగ చైతన్య తన సీక్రెట్ ప్రేమ విషయాలు బయట పెట్టనున్నారా?
దసరా సందర్భంగా ఈ సినిమాకి సంబంధించిన అధికారిక ప్రకటన కూడా బయటపెట్టాలని చిత్ర బృందం ప్లాన్ చేసింది. కానీ తాజాగా ఇప్పుడు ఈ సినిమా చేయలేనని నిర్మాత నిరంజన్ రెడ్డి తప్పుకున్నారు. దానికి కారణం రామ్ పోతినేని హీరోగా నటించిన డబుల్ ఐస్మార్ట్ సినిమాతో నిరంజన్ భారీగా నష్టపోవడం. ఒక సినిమా కారణంగా నిరంజన్ రెడ్డికి 40 కోట్ల దాకా నష్టం వాటిల్లిందట. దీంతో బాగా ఆర్థిక ఇబ్బందుల్లో ఉన్న నిరంజన్ రెడ్డి.. నితిన్ సినిమా నుండి తప్పుకోవాలని నిర్ణయించుకున్నారు.
ప్రస్తుతం నితిన్, విక్రమ్ కుమార్ ప్రాజెక్ట్‌ను శ్రీనివాస చిట్టూరి నిర్మించనున్నారు. దీనికి సంబంధించిన అధికారిక ప్రకటన త్వరలోనే వెలువడనుంది. నవంబర్ నుండి నితిన్ ఈ చిత్ర షూటింగ్‌ను ప్రారంభించే అవకాశం ఉంది. ప్రస్తుతం ప్రీ ప్రొడక్షన్ పనులు కూడా జరుగుతున్నాయి.
