Nithiin Upcoming Movies:
యువ నటుడు నితిన్ ప్రస్తుతం పలు ప్రాజెక్టులతో బిజీగా ఉన్నారు. నితిన్ తన నిర్మాత సంస్థ శ్రేష్ట్ మూవీస్ ద్వారా తాజాగా మరో ఇంట్రెస్టింగ్ ప్రాజెక్ట్ చేపట్టారు. తమిళ దర్శకుడు టి.ఎన్. సంతోష్ చెప్పిన కథతో నితిన్ ఈ ప్రాజెక్ట్‌కి గ్రీన్ సిగ్నల్ ఇచ్చారు. గతంలో టి.ఎన్. సంతోష్ నిఖిల్‌తో “అర్జున్ సురవరం” అనే చిత్రాన్ని తెరకెక్కించారు.
నిజ జీవితంలో జరిగిన కొన్ని సంఘటనల ఆధారంగా ఈ కథను సంతోష్ రూపొందించారు. ఈ చిత్రంలో ప్రముఖ నటుడు విక్టరీ వెంకటేష్ హీరోగా. నటించనున్నారు. కథలో వెంకటేష్ ఒక ఇన్వెస్టిగేటివ్ పోలీస్ ఆఫీసర్ పాత్రలో కనిపించనున్నారు. అయితే, ఇంకా వెంకటేష్ ఈ ప్రాజెక్ట్‌కు అధికారికంగా గ్రీన్ సిగ్నల్ ఇవ్వలేదు.
Also Read: తెలుగులో Sankranthi సీజన్‌కి రాబోతున్న 6 భారీ చిత్రాలు
ప్రముఖ హీరోయిన్ కీర్తి సురేష్ ఈ చిత్రంలో కీలక పాత్ర పోషించనున్నారు. Nithiin మాత్రం ఈ సినిమాలో ఒక లాయర్ పాత్రలో కనిపించనున్నారు. ఇది ముఖ్యంగా ఒక ఎక్స్టెండెడ్ క్యామియో పాత్ర కాగా, కథలో ఒక ప్రత్యేకమైన ట్విస్ట్ ఇవ్వనుంది అని టాక్ వినిపిస్తోంది.
ఈ చిత్రంలో తమిళ నటుడు నరేన్ కూడా ఒక ముఖ్య పాత్ర పోషించనున్నారు. దర్శకుడు టి.ఎన్. సంతోష్, అతని బృందం ఇటీవల ఈ చిత్రానికి సంబంధించిన టెస్ట్ షూట్ నిర్వహించారు. త్వరలోనే ఈ ప్రాజెక్ట్ పై అధికారిక ప్రకటన వెలువడనుంది.
వచ్చే ఏడాది ఆరంభంలో ఈ చిత్రానికి రెగ్యులర్ షూట్ మొదలవుతుంది. నితిన్‌తో పాటు రాజ్‌కుమార్ ఆకెళ్ల ఈ చిత్రాన్ని సంయుక్తంగా నిర్మించనున్నారు.
