యంగ్‌ హీరో నిఖిల్, టీఎన్ సంతోష్ దర్శకత్వంలో వచ్చిన చిత్రం ‘అర్జున్‌ సురవరం’. మంచి టాక్ తెచ్చుకున్న ఈ మూవీ.. వసూళ్లలోనూ సత్తా చాటుతోంది. ఇక తెలుగు రాష్ట్రాల్లో సినిమా ప్రదర్శిస్తున్న థియేటర్లకు వెళ్లే ప్రేక్షకులను నేరుగా కలుస్తోంది చిత్ర యూనిట్… దీనిలో భాగంగా శనివారం గుంటూరుకు వెళ్లిన హీరో నిఖిల్‌కు ఆశ్చర్యానికి గురిచేసే ఘటన ఎదురైంది. గుంటూరులోని ఓ థియేటర్‌లో ప్రేక్షకులతో ఇంటరాక్ట్ తర్వాత తిరిగి హైదరాబాద్‌కు పయనమైన నిఖిల్.. మార్గం మధ్యలో.. టీ తాగేందుకు రోడ్డుపై ఆగారు.. అదే సమయంలో.. రోడ్డుపై ఓ బండిపై తాజాగా విడుదలైన సినిమాలకు సంబంధించిన పైరసీ డీవీడీలను అమ్ముతోంది ఓ మహిళ… ఇది చూసి షాక్ తిన్న నిఖిల్.. ఎంతో కష్టపడి సినిమా తీస్తున్నాం.. ఎందరో జీవితాలు సినిమాపై ఆధారపడి ఉంటాయి.. ఇలా, రూ.40కే మా సినిమాను అమ్మేస్తారా? అంటూ ఆవేదన వ్యక్తం చేశారు. అసలు ఆ బండిపై సీడీలు విక్రయిస్తున్న మహిళ తనకు ఏమీ తెలియదని సమాధానం ఇస్తూ.. తన కుటుంబ పోషణ కోసమే ఈ వ్యాపారం చేస్తున్నట్టు చెప్పుకొచ్చింది. ఇక, దీనికి సంబంధించిన వీడియోను సోషల్ మీడియాలో షేర్ చేశారు నిఖిల్.
Had so much fun interacting with Housefull Crowds in Guntur yesterday and on the way back stopped for tea and Found This … #ArjunSuravaram and other movie DVD’s being openly sold🤦🏻♂️ pic.twitter.com/nEBCbtAeqh
— Nikhil Siddhartha (@actor_Nikhil) December 8, 2019
