నిఖిల్ నుంచి ఇటీవల వచ్చిన ‘కార్తికేయ 2′ సంచలన విజయాన్ని సాధించింది. హిందీలోను ఈ సినిమా రికార్డుస్థాయి వసూళ్లను రాబట్టింది. ఈ సినిమాతో పాటు నిఖిల్ మొదలెట్టిన ’18 పేజెస్’ కూడా చిత్రీకరణ పరంగా ముగింపు దశకి చేరుకుంది. ఈ నేపథ్యంలో ఈ సినిమా రిలీజ్ డేట్ ను ఖరారు చేసుకున్నారు.
డిసెంబర్ 23వ తేదీన ఈ సినిమాను విడుదల చేయనున్నారు. ఇది ఒక విభిన్నమైన ప్రేమకథ .. ఈ సినిమాలో నిఖిల్ జోడీగా అనుపమ పరమేశ్వరన్ అలరించనుంది. గీతా ఆర్ట్స్ 2 – సుకుమార్ రైటింగ్స్ కలిసి ఈ సినిమాను నిర్మిస్తున్నారు. ‘కుమారి 21 F దర్శకుడు పల్నాటి సూర్య ప్రతాప్ ఈ సినిమాకి దర్శకత్వం వహిస్తున్నాడు.
గోపీసుందర్ ఈ సినిమాకి సంగీతాన్ని అందించాడు. ఆయన బాణీలు ఈ సినిమాకి హైలైట్ గా నిలవనున్నాయని అంటున్నారు. ‘కార్తికేయ 2’ తరువాత నిఖిల్ – అనుపమ కలిసి నటించిన సినిమా కావడంతో, ఈ సినిమాపై సహజంగానే అందరిలో ఆసక్తి ఉంది.
