యంగ్ హీరోయిన్ నిధి అగర్వాల్ ప్రేమలో మునిగితేలుతోందనే వార్తలు వైరల్ అవుతున్నాయి. తమిళ హీరో శింబు ప్రేమలో ఆమె ఉందని టాక్‌. వీరిద్దరూ త్వరలోనే పెళ్లి చేసుకోబోతున్నారని కూడా చెపుతున్నారు. ‘ఈశ్వరన్’ చిత్రంలో వీరిద్దరూ కలిసి నటించారు. గత ఏడాది జనవరిలో ఈ చిత్రం విడుదలైంది. ఈ సినిమా షూటింగ్ సమయంలోనే ఇద్దరూ ప్రేమలో పడ్డారని వార్తలు వస్తున్నాయి.
మరోవైపు కొంత కాలంగా శింబు ఇంట్లోనే నిధి ఉంటోందనే ప్రచారం కూడా జరుగుతోంది. పెద్దలను ఒప్పించి పెళ్లి చేసుకునేందుకు వీరు రెడీ అవుతున్నారని అంటున్నారు. మరి ఈ వార్తలు ఎంత వరకు నిజం అనేది తేలాలంటే వారు స్పందించాల్సిందే. మరోవైపు శింబు ఇప్పటికే ఇద్దరు, ముగ్గురు హీరోయిన్లతో ఆయన ప్రేమాయణాలు సాగించారు.
