‘నాట్యం అంటే ఒక కథని అందంగా చెప్పడం’.. ఈ మాటలు తనకి ‘స్వర్ణకమలం’ రోజుల్ని గుర్తు చేస్తున్నాయని హీరో విక్టరీ వెంకటేశ్‌ అన్నారు. ప్రముఖ కూచిపూడి నాట్యకారిణి సంధ్యారాజు ప్రధాన పాత్రలో నటించిన ‘నాట్యం’లోని ఓ సరికొత్త పాటను తాజాగా వెంకీ విడుదల చేశారు. అనంతరం చిత్రబృందానికి అభినందనలు తెలిపారు. ‘పోనీ పోనీ ఈ ప్రాణమే.. కళకై జరిగే ఓ త్యాగమే’ అంటూ లలిత కావ్య ఆలపించిన ఈ పాట ప్రతి ఒక్కరి హృదయాలను హత్తుకునేలా ఉంది. రేవంత్‌ కోరుకొండ డైరెక్షన్‌లో వస్తున్న ఈ సినిమాలో కమల్‌ కామరాజ్‌, శుభలేఖ సుధాకర్‌, భానుప్రియ తదితరులు కీలకపాత్రలు పోషించారు. అక్టోబర్‌ 22న ప్రేక్షకుల ముందుకు రానుంది.
‘నాట్యం’ నుంచి పాటను విడుదల చేసిన వెంకటేశ్‌
