2024 కొత్త సంవత్సరం సందర్భంగా పలు పోస్టర్లు సోషల్‌ మీడియాలో చక్కర్లు కొడుతున్నాయి. న్యూ ఇయర్‌ సందర్భంగా సిద్ధు జొన్నలగడ్డ- అనుపమ పరమేశ్వరన్‌ హీరోహీరోయిన్‌లుగా న‌టించిన చిత్రం `టిల్లు స్క్వేర్‌` నుంచి కొత్త పోస్టర్‌ విడుదలైంది. ఇప్పటికే ఈ సినిమా నుండి విడుదలైన అప్డేట్స్‌, రాధిక సాంగ్‌కి మంచి స్పందన వచ్చింది. తాజాగా విడుదలైన ఈ పోస్టర్‌ రొమాంటిక్ యాంగిల్ మ‌రింత హైలైట్ అవుతోంది. మ‌ల్లిక్ రామ్ దర్శకత్వం వహిస్తున్నాడు. ఈ సినిమా 9 ఫిబ్ర‌వ‌రి 2024న విడుద‌ల‌కు సిద్ధ‌మ‌వుతోంది.
దీంతో పాటు తెలుగు హీరోయిన్‌ అంజలి ప్రధాన పాత్రలో నటిస్తోన్న హారర్ కామెడీ ‘గీతాంజలి మళ్ళీ వచ్చింది’ మూవీ అప్డేట్‌ కూడా వచ్చింది. మలయాళ నటుడు రాహుల్ మాధవ్ ఈ సినిమాతో టాలీవుడ్ లో ఎంట్రీ ఇస్తున్నాడు. ప్రముఖ రైటర్, ప్రొడ్యూసర్ కోన వెంకట్ సమర్పణలో వస్తున్న ఈ సినిమా ‘గీతాంజలి’ సీక్వెల్‌గా తెరకెక్కుతుంది. ఎంవీవీ సినిమా, కోన ఫిల్మ్ కార్పొరేష‌న్‌ సంస్థలపై ఎంవీవీ స‌త్యనారాయ‌ణ, జీవీ ప్ర‌తిష్టాత్మ‌కంగా నిర్మిస్తున్నారు. అంజలి నటిస్తోన్న 50వ సినిమా ఇది. నూతన సంవత్సర శుభాకాంక్షలను తెలియజేస్తూ మేకర్స్ ఈ సినిమా నుంచి స్పెషల్ పోస్టర్‌ను విడుదల చేశారు. నాట్య కళాకారిణి లుక్‌లో అంజలి కనిపిస్తోంది.
