టాలీవుడ్‌ యంగ్‌ హీరో కిరణ్ అబ్బవరం నటించిన తాజా చిత్రం ‘నేను మీకు బాగా కావాల్సినవాడిని’. కోడి దివ్య నిర్మించిన ఈ సినిమాతో దర్శకుడిగా శ్రీధర్ గాదె పరిచయమవుతున్నాడు. సంజన ఆనంద్ ఈ సినిమా హీరోయిన్‌గా ఎంట్రీ ఇస్తుంది. ఐటమ్ సాంగులో సోను ఠాకూర్ కనిపించనుంది.
ఈ నెల 16వ తేదీన భారీ స్థాయిలో ఈ సినిమా విడుదల కానుంది. ఈ నేపథ్యంలో ఈ సినిమా ప్రీ రిలీజ్ ఈవెంట్ ను నిర్వహించడానికి సన్నాహాలు చేస్తున్నారు. ఈ నెల 14వ తేదీన ప్రీ రిలీజ్ ఈవెంట్ ను జరపనున్నారు. హైదరాబాదులోని జేఆర్సీ కన్వెన్షన్ ఈ వేడుకకి వేదిక కానుంది. ఎల్లుండి సాయంత్రం 6 గంటల నుంచి ఈ వేడుక ప్రారంభం కానుంది. మణిశర్మ సంగీతం అందిస్తున్నారు. ఇంతవరకూ విడుదలైన పాటలుకు మంచి స్పంతన వచ్చింది.
