మెగాస్టార్‌ చిరంజీవి హీరోగా కొరటాల శివ డైరెక్షన్‌లో వస్తున్న చిత్రం ‘ఆచార్య’. ఈ సినిమాలో మెగా పవర్‌ స్టార్‌ రామ్‌ చరణ్‌ కీలక పాత్రలో నటిస్తున్నసంగతి తెలిసిందే. ఇందులో చెర్రికి జోడిగా పూజ హెగ్దే నటిస్తోంది. కొణిదెల ప్రొడక్షన్స్‌లో నిరంజన్‌ రెడ్డి ఈ మూవీని నిర్మిస్తున్నాడు. ఇప్పటికే షూటింగ్‌ను పూర్తి చేసుకున్న ఈ మూవీ నిర్మాణాంతర కార్యక్రమాలను జరుపుకుంటోంది. వచ్చే ఏడాది సంక్రాంతి సందర్భంగా ఫిబ్రవరి 4న విడుదల కానుంది.
ఈ నేపథ్యంలో శుక్రవారం(నవంబర్‌ 5) సెకండ్‌ సింగిల్‌ పేరుతో పూజ హెగ్డేపై సాగే ‘నీలాంబర్‌’లిరికల్‌ సాంగ్‌ను విడుదల చేశారు మూవీ యూనిట్‌. దీనితో పాటు సాంగ్‌ మేకింగ్‌ సీన్స్‌తో వీడియోను వదిలారు.
‘నీలాంబరి .. నీలాంబరి .. వేరెవ్వరే నీలామరి, అయ్యోరింటి సుందరి .. వయ్యారాల వల్లరి .. నీలాంబరి’ అంటూ ఈ పాట సాగిన ఈ పాట ఆకట్టుకుంటోంది. మణిశర్మ సంగీతం అందించారు. అనంత శ్రీరామ్ సాహిత్యాన్ని అందించాడు. అనురాగ్ కులకర్ణి – రమ్య బెహ్రా ఆలపించారు.
