ప్రవీణ్ సత్తారు డైరెక్షన్‌లో వరుణ్ తేజ్ హీరోగా నటిస్తున్న చిత్రం ‘గాండీవధారి అర్జున’.ఈ సినిమాలో వరుణ్ తేజ్ స్టైలీష్ లుక్ ఆకట్టుకుంది. బీవీఎస్ ఎన్ ప్రసాద్ నిర్మించిన ఈ సినిమాను, ఆగస్టు 25వ తేదీన ప్రపంచవ్యాప్తంగా విడుదల చేయనున్నారు. ఈ నేపథ్యంలో ఈ సినిమా నుంచి ఒక లిరికల్ సాంగును రిలీజ్ చేశారు.
‘నీ జతై సాగింది పాదమే .. ఆపినా ఆగునా లోలోని వేగమే’ అంటూ ఈ పాట సాగుతోంది. రాజు సుందరం నృత్య దర్శకత్వం వహించిన ఈ పాటను, ఫారిన్ లోని అందమైన లోకేషన్స్ లో హీరో హీరోయిన్ పై చిత్రీకరించారు. మిక్కీ జె మేయర్ స్వరపరిచిన ఈ పాట యూత్ కి కనెక్ట్ అయ్యే బీట్ తో సాగుతోంది. ఈ సినిమాలో సాక్షి వైద్య హీరోయిన్‌గా నటించగా, కీలకమైన పాత్రలో నాజర్ నటించాడు.
