ప్రముఖ ఓటీటీ సంస్థ ఆహాలో నందమూరి బాలకృష్ణ హోస్ట్‌గా వ్యవహరిస్తున్న షో ‘అన్ స్టాపబుల్-2’ కి ఎంత రెస్పాన్స్ వస్తుందో అందరికి తెలిసిందే. ఈ షో ఒటీటీ హిస్టరీలోనే బిగ్గెస్ట్ హిట్ గా నిలిచింది అని చెప్పాలి. ఇక ఈ సీజన్ లో స్టార్ హీరోలు, రాజకీయ ప్రముఖు సందడి చేస్తున్నారు. చంద్రబాబు నాయుడు మొదటి సారిగా ఒక ఎంటర్టైన్మెంట్ టాక్ షోలో పార్టిసిపేట్ చేయడం ఫస్ట్ టైం అని చెప్పాలి. ఇక ప్రభాస్ ఎపిసోడ్ ఎంత సంచలనం అయ్యిందో అందరికి తెలిసిందే. ఏకంగా ఆహా ఛానల్ కూడా మొరాయించే స్థాయిలో యూజర్స్ ఎటాక్ జరిగింది. రెండు ఎపిసోడ్స్ గా వచ్చిన ప్రభాస్ ఇంటర్వ్యూ అద్బుతంగా క్లిక్ అయ్యింది. ఇక ఒటీటీ హిస్టరీలోనే ఇప్పుడు మోస్ట్ బజ్ ఎపిసోడ్ గా పవన్ కళ్యాణ్ ఎపిసోడ్ అన్ స్టాపబుల్ లో భాగంగా రాబోతుంది. పవన్ కళ్యాణ్ కంటెంట్ ని రెండు ఎపిసోడ్స్ గా ఆహా టెలికాస్ట్ చేయడానికి సన్నాహాలు చేస్తుంది.
ఈ నేపథ్యంలో మొదటి ఎపిసోడ్ కి సంబందించిన ప్రోమోని తాజాగా విడుదల చేశారు. ఈ ఎపిసోడ్ లో పవన్ కళ్యాణ్ గుడుంబా శంకర్ లో ఫ్యాంట్ లు వేసిన విషయంపై ఆసక్తిగా అడిగారు. వీరిద్దరి మధ్య సంభాషణ చాలా ఆసక్తికరంగా సాగింది. తరువాత ఇక సాయి ధరమ్ తేజ్ ఈ ఎపిసోడ్ లో కొద్ది సేపు సందడి చేసాడు. ఇక పవన్ కళ్యాణ్ పెళ్ళిళ్ళ గురించి కూడా బాలకృష్ణ అడిగిన ప్రశ్నకి పవన్ కళ్యాణ్ ఏదో సమాధానం చెప్పాడు. ఆసక్తికరంగా సాగిన ఈ ప్రోమో యుట్యూబ్ లో రికార్డ్ వ్యూస్ తో దూసుకుపోతుంది.
