నందమూరి బాలకృష్ణ మంచి జోష్‌లో ఉన్నాడు. భగవంత్ కేసరి సినిమాతో హ్యాట్రిక్ విజయాలు అందుకున్న బాలయ్యకు సంబంధించి మరో లేటెస్ట్ అప్డేట్ వచ్చేసింది. యంగ్‌ డైరెక్టర్‌ బాబీతో తన 109వ సినిమాను ప్రకటించారు. ఈ సినిమాకు సంబంధించి మరో లేటెస్ట్ అప్డేట్ వచ్చేసింది.
నేడు ఈ సినిమా రెగ్యులర్ షూటింగ్ ప్రారంభమైంది. ఇందుకు సంబంధించి బాబీ ట్వీట్‌ ద్వారా అప్డేట్ అందించాడు. ప్రస్తుతం ఈ పోస్టర్ సోషల్‌ మీడియాలో వైరల్ అవుతోంది. గొడ్డలికి కళ్లజోడు పెట్టినట్టు ఉన్న ఈ పోస్టర్ చూస్తుంటేనే ఇది పూర్తిగా మాస్ మసాలా మూవీ అని అర్థమవుతోంది.
గొడ్డలిపైన ఆంజనేయస్వామి బిళ్ల కూడా ఉంది. కళ్లద్దాల ప్రతిబింబంలో రాక్షసుడిపైకి నరసింహస్వామి దూకుతున్నట్టుగా ఉంది. ఈ పోస్టర్‌ను షేర్ చేసిన బాబీ.. ‘బ్లడ్ బాత్ కా బ్రాండ్ నేమ్’, ‘వయలెన్స్‌ కా విజిటింగ్‌ కార్డ్‌’ అని క్యాప్షన్ రాసుకొచ్చారు. శ్రీకర స్టూడియోస్ సమర్పిస్తున్న ఈ మూవీని సూర్యదేవర నాగవంశీ, సాయి సౌజన్య భారీ బడ్జెట్‌తో నిర్మిస్తున్నారు.
