సూపర్‌ స్టార్‌ రజనీకాంత్‌ హీరోగా శివ డైరెక్షన్‌లో వస్తున్న చిత్రం ‘అన్నాత్తే’’. ఇందులో కుష్బూ, మీనా, నయన తార, కీర్తీ సురేష్.. ముఖ్య పాత్రల్లో నటిస్తున్నారు. సన్‌ పిక్చర్స్‌ నిర్మిస్తున్న చిత్రంలో కీర్తి సురేష్, నయన్ పాత్రల గురించి ఓ ఆసక్తికర వార్త చక్కర్లు కొడుతోంది. ఈ సినిమాలో నయనతారకు కీర్తి సురేష్ కూతురు పాత్రలో కనిపించబోతుందని అంటున్నారు. గతంలో నయన్ తల్లి పాత్రలో నటించలేదు. ఇదిలా ఉంటే మొదట్లో ఈ చిత్రం షూటింగ్‌ ఎక్కువ భాగం హైదరాబాద్‌లోనే ప్లాన్‌ చేశారు. అయితే, కరోనా వ్యాప్తి విస్తరిస్తున్న పరిస్థితుల దృష్ట్యా పక్క రాష్ట్రంలో ఎక్కువ శాతం షూటింగ్‌ చేయడం కరెక్ట్‌ కాదని చిత్రం యూనిట్ భావిస్తోంది చాలా రిస్క్‌ తో కూడుకున్నదని, చెన్నైలోనే ఓ భారీ సెట్‌ ను నిర్మిస్తోందట. మిగతా భాగాన్ని అక్కడే పూర్తి చేయాలిని అని అనుకుంటున్నారట. త్వరలోనే ఈ చిత్రం షూటింగ్‌ ప్రారంభం కానుందట. వచ్చే ఏడాది సంక్రాంతికి కానుకగా ఈ సినిమాను ప్రేక్షకుల ముందుకు తీసుకువచ్చేందుకు సన్నాహాలు చేస్తున్నట్లు ఇదివరకే ప్రకటించింది మూవీ యూనిట్.
