లేడీ సూపర్‌ స్టార్ నయనతార తెలుగు,తమిళ భాషల్లో ఉన్న క్రేజ్ గురించి ప్రత్యేకంగా చెప్పుకోవలసిన పనిలేదు. ఒక వైపున సీనియర్ స్టార్ హీరోల సరసన నటిస్తూనే .. మరో వైపున నాయిక ప్రధానమైన కథలను చేస్తూ వెళుతోంది. తాజాగా హారర్ థ్రిల్లర్ మూవీతో ప్రేక్షకుల ముందుకు వచ్చేందుకు రెడీ అవుతోంది. ఆ సినిమా పేరే ‘కనెక్ట్’. నయనతార సొంత బ్యానర్లో నిర్మితమైన ఈ సినిమాకి, అశ్విన్ శరవణన్ దర్శకత్వం వహించాడు.
తాజాగా ఈ సినిమా నుంచి తెలుగు టీజర్ ను విదిలారు. కథను ఏ మాత్రం రివీల్ చేయకుండా ఆడియన్స్ లో ఆసక్తిని పెంచే ప్రయత్నం చేశారు. పృథ్వీ చంద్రశేఖర్ సంగీతాన్ని సమకూర్చిన ఈ సినిమాను, ఈ నెల 22వ తేదీన విడుదల చేయనున్నారు. అనుపమ్ ఖేర్ .. సత్యరాజ్ ఇతర ముఖ్యమైన పాత్రలలో కనిపించనున్నారు.
