Nani in Saripodhaa Sanivaaram Press Meet:
నాని హీరోగా వివేక్ ఆత్రేయ దర్శకత్వంలో సరిపోదా శనివారం సినిమా త్వరలో విడుదల కానుంది. ఈ నేపథ్యంలో నాని ఈ సినిమా కోసం దేశ వ్యాప్తంగా భారీ ప్రమోషన్స్ చేస్తున్నారు. హైదరాబాద్‌లో ఈ రోజు జరిగిన ఓ ప్రెస్ మీట్ లో నాని ఒక ఆసక్తికరమైన విషయాన్ని పంచుకున్నారు.
1986లో చిరంజీవి హీరోగా నటించిన చంటబ్బాయి అనే డిటెక్టివ్ కామెడీ ఆయనకు చాలా ఇష్టమైన సినిమాల్లో ఒకటి అని అన్నారు. ఆ సినిమా అంటే బాగా ఇష్టం ఉండడంతో సినిమాని రీబూట్ చేసి అందులో నటించాలనుకున్నారట. “నేను, నాగి చంటబ్బాయి సినిమాని రీబూట్ చేయాలని అనుకున్నాము. కానీ అప్పుడే ఏజెంట్ సాయి శ్రీనివాస ఆత్రేయ విడుదలైంది. ఆ సినిమా చంటబ్బాయికు కొన్ని సిమిలారిటీస్ ఉంటాయి. అందుకే ఆ ఆలోచన వదిలేశాం. చంటబ్బాయి చాలా మంచి సినిమా. ఈ రోజుల్లో కూడా ఆడియన్స్ కి కచ్చితంగా నచ్చే సినిమా అది,” అని అన్నారు నాని.
Nani హీరోగా నటించిన ఎవడే సుబ్రమణ్యం సినిమాతోనే నాగ్ అశ్విన్ ఇండస్ట్రీ కి పరిచయం అయ్యారు. ఈ నేపథ్యంలో వాళ్ళిద్దరి మధ్య మంచి స్నేహం కూడా ఉంది. వాళ్లిద్దరి కాంబో లో చంటబ్బాయి లాంటి సినిమా అంటే నిజంగానే చాలా ఆసక్తికరంగా ఉంటుంది. కానీ ఆ సినిమా ఆగిపోడానికి ఇన్ డైరెక్ట్ గా నవీన్ పోలిశెట్టి కారణం అయ్యారు అన్నమాట.
