టాలీవుడ్‌ స్టార్ హీరో ‘యంగ్ టైగర్’ జూనియర్ ఎన్టీఆర్, నేచురల్ స్టార్ నాని కలిసి ఉన్న ఫొటో ఒకటి సోషల్‌ మీడియాలో చక్కర్లు కొడుతుంది. ఓ అభిమాని కోరిక మేరకు నాని ఈ ఫొటోని సోషల్‌ మీడియాలో షేర్ చేశాడు. ఎన్టీఆర్‌తో కలిసి ఉన్న ఫొటోని ‘ఎక్స్’ వేదికగా నాని షేర్ చేశాడు.
ఆప్యాయంగా ఒకరినొకరు హత్తుకుని కనిపించిన ఈ పిక్‌ని ఓ అభిమాని విజ్ఞప్తి మేరకు నాని పంచుకున్నాడు. ‘మీది, తారక్ అన్నది అన్‌సీన్ పిక్ చూపించండి ప్లీజ్’ అంటూ ఓ నెటిజన్ ‘ఎక్స్’లో కోరగా నేచురల్ స్టార్ స్పందించాడు. ఇది ఓకే నా? అంటూ ఫొటోని పంచుకున్నాడు.
ఈ ఫొటోని చూసి అభిమానులు మురిసిపోతున్నారు. కనుల విందుగా ఉందని సంబరపడుతున్నారు. కాగా ‘హాయ్ నాన్న’ సినిమా ప్రమోషన్స్‌లో భాగంగా ‘ఆస్క్ నాని’ పేరుతో నెటిజన్లతో సంభాషించాడు. అందులో భాగంగా అభిమాని కోరిక మేరకు ఎన్టీఆర్‌తో ఉన్న ఫొటోని పంచుకున్నాడు.
