టాలీవుడ్‌లో చెరగని ముద్ర వేసిన దివంగత విజయనిర్మల జీవిత చరిత్ర ఆధారంగా సినిమాను తెరకెక్కించబోతున్నట్టు వార్తలు హల్‌చల్‌ చేస్తున్న సంగతి తెలిసిందే. ఈ చిత్రంలో కీర్తీ సురేశ్ ప్రధాన పాత్రను పోషించబోతున్నట్టు కూడా వార్తలు వినిపించాయి.
ఈ వార్తలపై విజయనిర్మల కుమారుడు, సినీ నటుడు నరేశ్ స్పందించారు. బయోపిక్ నిర్మిస్తున్నట్టు వచ్చిన వార్తలను ఆయన ఖండించారు. అమ్మ పేరుతో బయోపిక్ ను నిర్మించడం లేదని… ఇతరులు ఎవరికీ కూడా పర్మిషన్స్ ఇవ్వలేదని చెప్పారు. దీంతో, బయోపిక్ వార్తలకు తెర పడినట్టయింది.
