Nani Balagam Venu movie: దసరా, హాయ్ నాన్న ఇలా గతేడాది వరుసగా రెండు సూపర్ హిట్లు అందుకున్న నాచురల్ స్టార్ నాని తాజాగా ఇప్పుడు అంటే సుందరానికి సినిమాకి దర్శకత్వం వహించిన వివేక్ ఆత్రేయ దర్శకత్వంలో సరిపోదా శనివారం అనే సినిమాతో బిజీగా ఉన్నారు.
ఈ సినిమా పూర్తి అయిన తర్వాత నాని దసరా డైరెక్టర్ తోనే మరొక సినిమాని లైన్ లో పెట్టిన సంగతి తెలిసిందే మరోవైపు బలగం సినిమాతో డైరెక్టర్ గా కూడా మంచి పేరు తెచ్చుకున్న కమెడియన్ వేణు కూడా ఒక సినిమా కోసం నానిని ఒప్పించారు. దిల్ రాజు స్వయంగా ఈ సినిమాని నిర్మించడానికి రంగలోకి దిగారు.
కానీ తాజా సమాచారం ప్రకారం ఈ సినిమా ఇప్పుడు అటకెక్కినట్లు తెలుస్తోంది. దసరా డైరెక్టర్ శ్రీకాంత్ చెప్పినా కథ బలగం వేణు చెప్పిన కథ రెండు దాదాపు ఒకేలాగా ఉండటంతో నాని వేణుకి నో చెప్పారట. సినిమా పూర్తిగా క్యాన్సిల్ అవ్వకపోయినప్పటికీ అనుకున్న కథను అయితే పక్కన పెట్టేసారు. ఒకవేళ వేణు కొత్త కథతో వచ్చి మెప్పించగలిగితే సినిమా మళ్లీ తెరకెక్కే అవకాశం ఉంది. మరి నాని పూర్తిగా మనసు మార్చుకునే లోపు బలగం వేణు మంచి కథతో రాగలరు లేదో చూడాలి.
Nani Sujeeth Movie:
ఇదిలా ఉండగా కొన్ని వారాల ముందే నాని సాహో ఫేమ్ డైరెక్టర్ సుజీత్ తో ఒక సినిమాని సైన్ చేశారు. డివివి దానయ్య ఈ సినిమాని నిర్మించాల్సి ఉంది. కానీ బడ్జెట్ కారణాలవల్ల ఈ సినిమా హోల్డ్ లోకి వెళ్లిపోయింది. మరి దానయ్య ఈ సినిమాని మళ్లీ ఎప్పుడు మొదలు పెడతారో ఇంకా తెలియని పరిస్థితి.
అయితే ఆసక్తికరంగా నాని ఒప్పుకున్న రెండు సినిమాలు హోల్డ్ లోకి వెళ్లిపోవడం అభిమానులను నిరాశకు గురిచేస్తుంది. పైగా నాని ఇంకా గతేడాది నటించిన రెండు సినిమాలు హిట్ అయ్యాయి. ఇలాంటి సమయంలో కూడా నాని సైన్ చేస్తున్న సినిమాలు హోల్డ్ లోకి వెళ్లిపోవడం ఫాన్స్ కి షాకింగ్ గానే ఉంది.
Nani Next Projects:
ప్రస్తుతం నాని చేతిలో సరిపోదా శనివారం సినిమా అయితే ఉంది. గ్యాంగ్ లీడర్ తర్వాత ప్రియాంక అరుల్ మోహన్ మళ్లీ ఈ సినిమాలో కూడా నాని సరసన హీరోయిన్ గా నటిస్తోంది. ఎస్ జే సూర్య కీలక పాత్ర పోషిస్తున్న ఈ సినిమాకి జేక్స్ బిజాయ్ సంగీతాన్ని అందిస్తున్నారు. డివివి దానయ్య నిర్మిస్తున్న ఈ సినిమా ఆగస్టు ఆఖరిలో విడుదల కాబోతోంది. మరి ఈ సినిమా విడుదల అయ్యేలోపు నాని తన నెక్స్ట్ సినిమాని లైన్లో పెడతారో లేదో వేచి చూడాలి.
