టాలీవుడ్ స్టార్‌ హీరోలు ఎన్టీఆర్, ప్రభాస్, రామ్ చరణ్, రానా, నాని ఒకే ఫ్రేమ్‌లో కనిపించారు. ఈ ఫొటో సోషల్ మీడియాలో వైరల్ అవుతుంది. ఈ పిక్ నిన్న ఆదివారం ఫ్రెండ్‌షిప్ డే సందర్భంగా టాలీవుడ్, కోలీవుడ్, బాలీవుడ్ అనే తేడా లేకండా అన్ని ఇండస్ట్రీస్ హీరోలు తమ స్నేహితులతో గడిపిన మధుర క్షణాలను సోషల్ మీడియా వేదికగా పంచుకున్నారు. ఈ నేపథ్యంలో హీరో నాని కూడా ఎన్టీఆర్, రామ్ చరణ్, ప్రభాస్, రానాలతో కలిసి దిగిన పాత ఫొటోను తన ఇన్‌స్టాగ్రామ్‌లో షేర్ చేసారు.
ఇప్పుడీ ఫొటోలను ఆయా హీరోల ఫ్యాన్స్‌ సోషల్ మీడియాలో తెగ వైరల్ చేస్తున్నారు. ఈ సందర్భంగా సినీ ఇండస్ట్రీలో తన ఆప్తులు అంటూ ఎన్టీఆర్, రామ్ చరణ్, ప్రభాస్, రానాలను నాని పేర్కొనడం విశేషం. ఇక ఈ ఫొటో రాజమౌళి కుమారుడు కార్తికేయ వెడ్డింగ్ సందర్భంగా రాజస్థాన్‌లో దిగినది. దీంతో పాటు నాని..వివిధ సందర్భాల్లో తన స్నేహితులతో దిగిన ఫోటోలను అభిమానులతో పంచుకున్నారు.
