Nani movies day 1 collections:
నేచురల్ స్టార్ నాని తాజాగా విడుదల అయిన సరిపోదా శనివారం సినిమాతో హ్యాట్రిక్ అందుకున్నారు. దసరా, హాయ్ నాన్న సినిమాలతో సూపర్ హిట్ లు అందుకున్న Nani సరిపోదా శనివారం సినిమాతో మరొక బ్లాక్ బస్టర్ తన ఖాతాలో వేసుకున్నారు.
టైర్ 2 హీరోల జాబితాలో టాప్ ప్లేస్ లో ఉన్న హీరో నాని అని చెప్పడం అతిశయోక్తి కాదు. ఇప్పుడు వరుస విజయాలతో నాని అతి త్వరలో టైర్ 1 కి వెళ్ళిపోతాడు అని చెప్పుకోవచ్చు. అయితే నాని హీరోగా నటించిన ఇంతకు ముందు సినిమాలు రెండు తెలుగు రాష్ట్రాల్లో మొదటి రోజు ఎంత వసూళ్లు నమోదు చేసుకున్నాయో ఒకసారి చూద్దాం.
నిన్న గాక మొన్న అంటే ఆగస్టు 29న సరిపోదా శనివారం సినిమా మొదటి రోజు 5.88 కోట్లు వసూలు చేసి మంచి ప్రారంభాన్ని అందుకుంది. హాయ్ నాన్న 2.91 కోట్లు కలెక్షన్లతో మోస్తరుగా మంచి కలెక్షన్స్ నమోదు చేసింది.
దసరా ఇప్పటికే నాని కెరీర్‌లో అత్యధిక మొదటి రోజు కలెక్షన్లను సాధించిన చిత్రంగానే నిలిచింది. 14.22 కోట్లు వసూలు చేసి బ్లాక్ బస్టర్ ఓపెనింగ్ సాధించింది. నాని పాత్ర, యాక్షన్ సీన్స్ ప్రేక్షకులను విపరీతంగా ఆకట్టుకున్నాయి. అంటే సుందరానికీ సినిమా 3.87 కోట్లు వసూలు చేసింది. ఈ చిత్రం కూడా ప్రేక్షకుల నుండి మంచి ఆదరణ పొందింది కానీ కమర్షియల్ గా సక్సెస్ కాలేకపోయింది.
శ్యామ్ సింగ రాయ్ 4.17 కోట్లు వసూలు చేసింది. ఇందులో నాని డిఫరెంట్ రోల్‌కు ఫ్యాన్స్ ఫిదా అయిపోయారు. గ్యాంగ్ లీడర్ సినిమా 4.57 కోట్లు సాధించి మంచి ఎంటర్టైనర్‌గా నిలిచింది. జెర్సీ 4.47 కోట్లు రాబట్టి, నాని ఖాతాలో ఒక మంచి ఎమోషనల్ హిట్ గా పేరు తెచ్చింది. దేవదాస్ సినిమా నాగార్జున తో చేసిన మల్టీ స్టారర్ అయినా కూడా 4.62 కోట్లు సాధించింది. కృష్ణార్జున యుద్ధం 4.62 కోట్లు వసూలు చేయగా.. ఎంసీఏ 7.57 కోట్లు వసూలు చేసి కమర్షియల్ హిట్‌గా నిలిచింది.
మొత్తం చూసుకుంటే, నాని కెరీర్‌లోని సినిమాలు మొదటి రోజు కలెక్షన్ల పరంగా మంచి స్థాయిలో ఉన్నాయి అనే చెప్పుకోవాలి. ప్రతి సినిమాతోనూ నాని డే 1 కలెక్షన్లు పెరుగుతూ రావడం కూడా ఫ్యాన్స్ కి చాలా సంతోషాన్ని ఇస్తోంది. నాని నెక్స్ట్ సినిమాల విషయంలో కూడా ఇప్పుడు ఓపెనింగ్ కలెక్షన్లు ఎలా ఉంటాయి అని ఆసక్తి నెలకొంది.
