నేచురల్‌ స్టార్‌ నాని వరుస సినిమాలతో ఫుల్‌ బిజీగా ఉన్నాడు. ప్రస్తుతం ‘టక్‌ జగదీశ్‌, శ్యామ్‌ సింగరాయ, అంటే సుందరానికి’ వంటి సినిమాల్లో నటిస్తున్నాడు. దీంతో పాటు మరో ఆసక్తికర వార్త సోషల్‌ మీడియాలో చక్కర్లు కొడుతుంది. డైరెక్టర్‌ గౌతమ్‌ తిన్ననూరి- నాని కాంబినేషన్‌లో వచ్చిన ‘జర్సీ’ మూవీ సూపర్‌ హిట్‌గా నిలిచింది. స్పోర్ట్స్‌ బ్యాక్‌డ్రాప్‌లో తెరకెక్కిన ఈ మూవీ మంచి విజయం సాధించింది. ఇదిలా ఉండగా వీరిద్దరి కాంబినేషన్‌లో మరో క్రేజీ ప్రాజెక్ట్‌ రూపొందనునున్నట్లు కొద్ది రోజులుగా వార్తలు వినిపిస్తున్నాయి.
ఈ నేపథ్యంలో తాజాగా దీనిని నుంచి ఓ ఆసక్తికర అప్‌డేట్‌ బయటకు వచ్చింది. ఓ రియల్‌ హీరో జీవిత కథ ఆధారంగా బయోపిక్‌కు డైరెక్టర్‌ గౌతమ్‌ తిన్ననూరి ప్లాన్‌ చేస్తున్నాడట. యుద్దంలో కాళ్లు కోల్పోయిన ఓ సైనికుడి నిజ జీవిత చరిత్ర ఆసధారంగా ఈ ప్రాజెక్ట్‌ రూపొందనుందట. పాన్‌ ఇండియా స్థాయిలో ఈ బయోపిక్‌ను దర్శకుడు ప్లాన్‌ చేస్తున్నట్లు టాక్‌. అంతేగాక దీనికి సంబంధించిన బ్యాక్‌గ్రౌండ్‌ వర్క్‌ను కూడా ప్రారంభించినట్లు సిని వర్గాల నుంచి సమాచారం.
