నేచురల్ స్టార్ నాని ప్రస్తుతం ‘దసరా’ సినిమాతో బిజీగా ఉన్నాడు. తాజాగా నాని తదుపరి సినిమా విషయంలో అధికారికంగా ప్రకటన వచ్చింది. వైరా ఎంటర్ టైన్మెంట్స్ బ్యానర్ లో ప్రొడక్షన్ నెం.1 గా నాని తదుపరి సినిమా ను చేయబోతున్నాడు. నాని 30వ సినిమాగా ఈ సినిమా రూపొందబోతుంది. ఈ సినిమాకు సంబంధించిన అన్ని విషయాలను కొత్త సంవత్సరం కానుకగా జనవరి 1వ తారీఖున అధికారికంగా ప్రకటించబోతున్నారు.
జనవరి 1వ తేదీ సాయంత్రం 4:05 గంటలకు #Nani30 గురించిన మరిన్ని విషయాలు అధికారికంగా వెళ్లడించబోతున్నారు. బ్లాక్ అండ్ వైట్ పోస్టర్లో నాని కుర్చీలో కూర్చుని ఫోన్లో బ్రౌజ్ చేస్తున్నట్లు చూపించడం జరిగింది. ఈ ప్రీ లుక్ ఆకట్టుకుంది. నాని 30 కి సంబంధించిన దర్శకుడు మరియు ఇతర ముఖ్యమైన వివరాలు న్యూ ఇయర్ సందర్భంగా అధికారికంగా ప్రకటించబోతున్నారు.
