న్యాచురల్ స్టార్ నాని ప్రస్తుతం ‘దసరా’ సినిమాతో బిజీగా ఉన్నాడు. ఈ మూవీ షూటింగ్ చివరి దశలో ఉంది. కాగా ఇవాళ నూతన సంవత్సరాన్ని పురస్కరించుకొని నాని 30 వ చిత్రాన్ని ప్రకటించాడు. ఈ విషయాన్ని తెలియజేస్తూ గ్లింప్స్ వీడియో షేర్ చేశాడు నాని. దసరా సినిమా గెటప్‌లో ఉన్న నానిని చూసి డాడీ నీ గడ్డం నచ్చలేదంటోంది అతడి కూతురు.
ఈ గ్లింప్స్ వీడియోలో నాని తన కూతురు సంభాషణ ఆకట్టుకుంటుంది. ఈ సినిమాలో సీతారామం ఫేం మృణాళ్‌ ఠాకూర్ హీరోయిన్‌గా నటిస్తోంది. డెబ్యూ డైరెక్టర్‌ శౌర్యువ్‌ దర్శకత్వం వహిస్తున్న ఈ చిత్రానికి యువ సాంకేతిక నిపుణులు వివిధ విభాగాల్లో పనిచేస్తున్నారు. హెశమ్‌ అబ్దుల్‌ వహబ్‌ సంగీతం అందిస్తున్నాడు. వైరా ఎంటర్‌టైన్‌మెంట్స్ బ్యానర్‌లో మోహన్‌ చెరుకూరి, డాక్టర్ విజేందర్‌ రెడ్డి తీగల, మూర్తి కేఎస్‌ నిర్మిస్తున్నారు. మరిన్ని వివరాలపై త్వరలోనే క్లారిటీ రానుంది.
