దగ్గుపాటి రానా.. హీరోగా వేణు ఊడుగుల డైరెక్షన్‌లో తెరకెక్కుతున్న చిత్రం ‘విరాటపర్వం’. ఈ సినిమా ప్రస్తుతం షూటింగ్ దశలో ఉంది. హీరో రానా వరుస సినిమాలతో బిజీగా ఉండటంతో ఈ సినిమా కొంత ఆలస్యం అవుతుందని తెలుస్తుంది. ఇక ఈ సినిమాలో టబు కీలక పాత్రలో నటించనున్నారు. తాజాగా ఈ సినిమా షూటింగ్ లో బహుభాషా నటి నందితా దాస్‌ కూడా జాయిన్ అయ్యారు. నందితాదాస్ కు విలక్షణ నటి అని పేరుంది.
నందితా దాస్‌ షూటింగ్ లో పాల్గొన్న ఫోటోలను దర్శకుడు వేణు ఊడుగుల సోషల్ మీడియా ద్వారా అభిమానులతో పంచుకున్నారు. ఈ ఫోటోలపై నందితా దాస్‌ స్పందిస్తూ ”ప్రస్తుతం ‘విరాటపర్వం’ సినిమా సెట్స్ లో ఉన్నా. తెలుగులో మాట్లాడటం కంటే సెట్స్ లో ఉండటం సంతోషంగా ఉంది.” అని నందితా పేర్కొన్నారు. ఇక ఈ సినిమాలో సాయి
పల్లవి హీరోయిన్ గా నటిస్తుంది. నక్సలైట్ నేపథ్యంలో సాగే కథ తో సినిమా ఉండబోతుందని తెలుస్తుంది.
