సూపర్‌ స్టార్‌ మహేశ్‌బాబు సతీమణి నమ్రత శిరోద్కర్‌ తాజాగా ‘సేఫ్‌ హ్యాండ్స్‌ ఛాలెంజ్‌’లో పాల్గొన్నారు. ప్రపంచదేశాలను వణికిస్తోన్న కరోనా వైరస్‌ (కొవిడ్‌-19) కట్టడికి వ్యక్తిగత పరిశుభ్రత ముఖ్యమనే విషయం తెలిసిందే. ఈ నేపథ్యంలో ఇప్పటికే పలువురు సినీ, రాజకీయ ప్రముఖులు ‘సేఫ్‌ హ్యాండ్స్‌ ఛాలెంజ్‌’ పేరుతో పలు వీడియోలను చిత్రీకరించి సోషల్‌మీడియాలో పోస్ట్‌ చేస్తున్నారు. 20 నుంచి 40 సెకన్లపాటు సబ్బుతో చేతులను శుభ్రంగా కడుక్కోవాలని చూపిస్తూ ప్రజలకు అవగాహన కల్పిస్తున్నారు.
తాజాగా ఈ ‘సేఫ్‌ హ్యాండ్స్‌ ఛాలెంజ్‌’లో నటి నమ్రతా పాల్గొన్నారు. ‘సరైన పద్ధతిలో 20 నుంచి 40 సెకన్లపాటు చేతులను శుభ్రం చేసుకుంటే చేతుల్లో ఉండే క్రిములు నశిస్తాయి. దీంతో కరోనాను నియంత్రించొచ్చు. అందరూ కలిసి కరోనా కట్టడికి పాటుపడదాం.’ అని నమ్రత పేర్కొన్నారు.
