Akhil Akkineni next movie:
అఖిల్ అక్కినేని నటించిన ‘ఏజెంట్’ 2023లో విడుదలై ఘోరంగా నిరాశపరిచింది. ఈ సినిమా తర్వాత అఖిల్ కొత్త ప్రాజెక్ట్ గురించి అధికారికంగా ప్రకటించలేదు. అయితే, సినిమాకు వచ్చిన డిజాస్టర్ రెస్పాన్స్ తో అఖిల్ సినిమాలకి దూరం అయ్యాడు. ఇక తన తదుపరి ప్రాజెక్ట్ కోసం పూర్తి సమయాన్ని కేటాయిస్తూ, ఈ సినిమాతో ఎలాగైనా విజయాన్ని అందుకోవాలని చూస్తున్నారు అఖిల్.
తాజాగా అఖిల్ అక్కినేని తన పొడవైన జుట్టుతో కొన్ని ఈవెంట్లలో కనిపించడమే కాకుండా, పీరియాడ్ డ్రామాలో నటించనున్నారనే వార్తలు ఇప్పుడు సోషల్ మీడియాలో చక్కర్లు కొడుతున్నాయి. ఈ ప్రాజెక్ట్ గురించి ఇంకా అధికారికంగా ఎలాంటి సమాచారం బయటకు రాలేదు. కానీ, ఈ పీరియాడ్ డ్రామా సినిమా కోసం నాగార్జున అన్నపూర్ణ స్టూడియోస్ బ్యానర్‌పై భారీ స్థాయిలో నిర్మాణం చేపట్టబోతున్నారన్న ప్రచారం ఉంది.
#AkhilAkkineni‘s next update:
The script work is over. Its a period drama set in the backdrop of Tirupati. The pre-production is in full swing. #AkkineniNagarjuna to produce under his Annapurna Studios.
Vinaro Bhagyamu Vishnu Katha fame Murali Kishore is directing.
— idlebrain.com (@idlebraindotcom) October 17, 2024
మరింత ఆసక్తికరంగా, ఈ సినిమాకు ‘వినరో భాగ్యము విష్ణుకథ’ ఫేమ్ మురళి కిషోర్ దర్శకత్వం వహించనున్నారన్న ఊహాగానాలు కూడా వెలువడుతున్నాయి. స్క్రిప్ట్ వర్క్ ఇప్పటికే పూర్తయ్యిందని సమాచారం. కానీ ఈ విషయాలు అధికారికంగా నిర్ధారణ కాలేదు.
ఇక అఖిల్ అభిమానులు కొంతకాలంగా UV క్రియేషన్స్ బ్యానర్‌లో, నూతన దర్శకుడు అనిల్ కుమార్‌తో కలసి అఖిల్ తన తదుపరి ప్రాజెక్ట్ చేయనున్నారని రూమర్లు వినిపిస్తున్నాయి. ఇప్పటి వరకు ఈ సినిమా గురించి ఎటువంటి క్లారిటీ రాలేదు. మరోవైపు, ‘ఏజెంట్’ సినిమా OTT లో ఎప్పుడు విడుదల అవుతుందో అని కూడా సినీ ప్రేమికులు వేచిచూస్తున్నారు.
Read More: Alia Bhatt జిగ్రా సినిమా కోసం తీసుకున్న రెమ్యూనరేషన్ ఎంతో తెలుసా?
