Nagarjuna Villain role:
టాలీవుడ్ కింగ్ నాగార్జున ఈ మధ్యనే నా సామి రంగ అనే సినిమాతో మంచి హిట్ అందుకున్నారు. ఇటు తెలుగులో మాత్రమే కాక ఇతర భాషల సినిమాలలో కూడా బిజీగానే ఉన్నారు.
ఈ మధ్యనే బాలీవుడ్ లో కూడా రన్బీర్ కపూర్ హీరోగా నటించిన బ్రహ్మాస్త్ర సినిమాలో కీలకపాత్రలో కనిపించిన నాగార్జున.. ఇప్పుడు ధనుష్ హీరోగా నటిస్తున్న కుబేర సినిమాలో కూడా కనిపించనున్నారు.
అయితే తాజాగా నాగార్జునకి ఒక విలన్ పాత్ర చేసే ఆఫర్ వచ్చినట్లు సమాచారం. సూపర్ స్టార్ రజినీకాంత్ లోకేష్ కనగరాజ్ దర్శకత్వంలో.. కూలి అనే సినిమాలో నటిస్తున్నారు. బంగారం స్మగ్లింగ్ ఆధారంగా ఈ సినిమా కథ మొత్తం తిరుగుతుంది అని వార్తలు వినిపిస్తున్నాయి. ఈ సినిమాలో విలన్ పాత్ర కోసం నాగార్జునని సంప్రదించినట్లు సమాచారం.
ఇప్పటిదాకా హీరోగా, లేదా క్యామియో పాత్రలలో కనిపించిన నాగార్జున విలన్ పాత్రలో ఎప్పుడు కనిపించలేదు. విజయ్ సేతుపతి, సంజయ్ దత్, లాంటి హీరోలు విలన్ గా కూడా తమ ప్రతిభ చాటారు. కానీ నాగర్జున మాత్రం ఇప్పటిదాకా అలాంటి పాత్రలో కనిపించలేదు.
మొదట విలన్ పాత్ర ఆఫర్ రాగానే.. నాగార్జున కొంచెం ఆసక్తి చూపించినట్లు తెలుస్తోంది. కానీ తరువాత మాత్రం సినిమాకి నో చెప్పినట్లు వార్తలు వినిపిస్తున్నాయి. ఇప్పటిదాకా సీనియర్ హీరోగా ఇండస్ట్రీలో ఉన్న నాగార్జునకి.. విలన్ పాత్రలో కనిపిస్తే తన ఇమేజ్ దెబ్బతింటుంది.. అనే ఉద్దేశంతో నో చెప్పినట్లు సమాచారం.
ప్రస్తుతం శేఖర్ కమ్ముల దర్శకత్వంలో.. ధనుష్ హీరోగా నటిస్తున్న కుబేర సినిమాలో.. నాగార్జున కీలక పాత్రలో కనిపించనున్నారు. ఈ సినిమాపై కూడా మంచి అంచనాలు ఉన్నాయి.
