అక్కినేని నాగార్జున హీరోగా తెరకెక్కుతున్న తాజా సినిమా ‘మన్మథుడు 2’. ప్రస్తుతం నిర్మాణానంతర కార్యక్రమాలు జరుపుకుంటున్న ఈ సినిమా ఆగస్టు 9న ప్రేక్షకుల ముందుకు రాబోతుంది. ఈ సందర్భంగా నటుడు, నిర్మాత నాగార్జున, దర్శకుడు రాహుల్‌ రవీంద్రన్‌తో ఓ ప్రాంక్‌ వీడియో చేశారు. పోస్ట్ ప్రొడక్షన్‌ పనుల్లో బిజీగా ఉన్న రాహుల్‌ను ఓ రెస్టారెంట్‌కు పంపించి రకరకాల టాస్క్‌లతో ఇబ్బంది పెట్టాడు.
ఈ ఆదివారం నుంచి ప్రసారం కానున్న బిగ్‌బాస్‌ రియాల్టీ షోకు హోస్ట్‌గా వ్యవహరిస్తున్న నాగార్జున.. రాహుల్‌తో రియల్‌ లైఫ్‌లోనే అలాంటి టాస్క్‌లు చేయించాడు. ఈ చిత్రంలో రకుల్ ప్రీత్ సింగ్ హీరోయిన్‌ కాగా.. ప్రముఖ నటి, అక్కినేని కోడలు సమంత, కీర్తి సురేష్‌లు అతిథి పాత్రల్లో అలరించనున్నారు. వెన్నెల కిశోర్‌, లక్ష్మీ, రావూ రమేష్‌, ఝాన్సీలు ఇతర కీలక పాత్రల్లో నటిస్తున్నారు.
