అక్కినేని కుటుంబంతో కొత్త తరహాలో ‘మనం’ సినిమా రూపొందించి ప్రశంసలు అందుకున్న దర్శకుడు విక్రం కుమార్. వైవిధ్యమైన కథలతో ప్రేక్షకులను అలరిస్తాడు. తెలుగులో అక్కినేని నాగచైతన్యతో విక్రం కుమార్ తన తదుపరి చిత్రం రూపొందిస్తున్నాడు. థ్యాంక్యూ అనే వర్కింగ్ టైటిల్‌తో తెరకెక్కుతున్న ఈ సినిమాను ప్రముఖ నిర్మాత దిల్‌రాజు నిర్మిస్తున్నారు. ప్రస్తుతానికి ప్రీప్రొడక్షన్ పనులు జరుగుతున్నాయి. నటీనటుల ఎంపిక కొంతవరకు పూర్తయిందట. ఇందులో చైతూ సరసన ఇద్దరు హీరోయిన్లు రొమాన్స్ చేయబోతున్నట్టు తెలుస్తోంది. ఓ హీరోయిన్‌గా రకుల్‌ను ఎంపిక చేసినట్లు చెప్తున్నారు. మరో హీరోయిన్‌గా తమిళ ముద్దుగుమ్మ ప్రియా భవానీ శంకర్‌ను సంప్రదించారట. అక్టోబర్ నుంచి ఈ సినిమా సెట్స్‌పైకి వెళ్లబోతుందట.
రకుల్‌తో మరోసారి చైతూ రొమాన్స్
