టాలీవుడ్‌ యంగ్‌ హీరో నాగశౌర్య తాజాగా నటిస్తున్న చిత్రం ‘వరుడు కావలెను’. రీతువర్మ హీరోయిన్‌గా నటిస్తుంది. లక్ష్మీ సౌజన్యను దర్శకురాలిగా పరిచయం చేస్తూ సితార ఎంటర్‌టైన్‌మెంట్స్‌ పతాకంపై పీడీవీ ప్రసాద్‌ సమర్పణలో సూర్యదేవర నాగవంశీ ఈ చిత్రాన్ని నిర్మిస్తున్నారు. ఈ సినిమా నుంచి ఇప్పటికే విడుదలైన పోస్టర్‌, టీజర్‌తో పాటు పాటలకి మంచి స్పందన వచ్చింది.
తాజాగా శ్రీకృష్ణ జన్మాష్టమిని పురస్కరించుకొని ఈ చిత్రం నుంచి టీజర్‌ను విడుదల చేసింది చిత్ర బృందం. టామ్‌ అండ్‌ జెర్రీలా నిత్యం గొడవపడే ఓ యువతి, యువకుడి మధ్య ప్రేమ ఎలా పుట్టిందనేదే ఈ మూవీ నేపథ్యం అని టీజర్‌ చూస్తే అర్థమవుతుంది. డైలాగ్స్‌ యూత్‌ని ఆకట్టుకునేలా ఉన్నాయి. ఈ చిత్రం త్వరలోనే ప్రేక్షకుల ముందుకు రానుంది.
